Akhanda 3: నందమూరి బాలకృష్ణ, మాస్ డైరెక్టర్ బోయపాటి శ్రీను కాంబినేషన్లో వచ్చిన భారీ యాక్షన్ చిత్రం అఖండ 2: తాండవం థియేటర్లలో సందడి చేస్తుంది. వీరిద్దరి బ్లాక్బస్టర్ హిట్ అఖండకు సీక్వెల్గా వచ్చిన ఈ సినిమాపై ముందు నుంచీ భారీ అంచనాలు నెలకొనగా ఆ అంచనాలకు ఏమాత్రం తగ్గకుండా ఉందని ప్రేక్షకులు, అభిమానులు సంబరాలు చేసుకుంటున్నారు.
బాలయ్య నటనకు ఫ్యాన్స్ ఫిదా
తెలుగు రాష్ట్రాల్లోని థియేటర్ల వద్ద పండగ వాతావరణం నెలకొంది. బాలకృష్ణ అభిమానులు పెద్ద ఎత్తున థియేటర్లకు చేరుకుని సందడి చేస్తున్నారు. సినిమాలోని బాలయ్య నటన, ముఖ్యంగా ఆయన చెప్పిన పవర్ఫుల్ డైలాగ్స్కు ప్రేక్షకుల నుంచి అద్భుతమైన స్పందన వస్తోంది. దీనికి సంబంధించిన వీడియోలు, ఫొటోలు సోషల్ మీడియాలో వైరల్ అవుతుండటంతో అఖండ 2 హ్యాష్ట్యాగ్ ట్రెండింగ్లో నిలిచింది.
అఖండ 3 హింట్
సినిమా చూసిన అభిమానులకు చిత్రబృందం క్లైమాక్స్లో ఒక అదిరిపోయే సర్ప్రైజ్ ఇచ్చింది. ఈ సిరీస్లో మూడో భాగం కూడా రాబోతున్నట్లు హింట్ ఇచ్చింది. జై అఖండ పేరుతో అఖండ 3 ఉంటుందని ప్రకటించడంతో నందమూరి అభిమానుల ఆనందం రెట్టింపు అయింది. దీంతో బాలయ్య మరియు బోయపాటి కాంబినేషన్లో మరొక పవర్ఫుల్ సినిమా రావడం ఖాయమైపోయింది.
