Bandla Ganesh's Daughter's Grand Wedding: వైభవంగా బండ్ల గణేష్ కూతురి పెళ్లి.. అంబరాన్ని తాకిన సందడి

Bandla Ganesh's Daughter's Grand Wedding: టాలీవుడ్‌లో ఎప్పుడూ తనదైన స్టైల్ స్పీచ్‌లు, పవర్ స్టార్ పవన్ కళ్యాణ్ మీద ఉండే అంతులేని భక్తితో నిత్యం వార్తల్లో నిలిచే ప్రముఖ నిర్మాత, నటుడు బండ్ల గణేష్ ఇంట్లో ప్రస్తుతం పెళ్లి సందడి అంబరాన్ని తాకింది. ఆయన కుమార్తె జనని వివాహం సూర్యతేజ చిలుకూరితో అత్యంత వైభవంగా కనులపండువగా జరిగింది.

ఒకప్పుడు కమెడియన్‌గా, క్యారెక్టర్ ఆర్టిస్ట్‌గా వెండితెరపై నవ్వులు పంచిన బండ్ల గణేష్.. ఆ తర్వాత 'గబ్బర్ సింగ్, 'టెంపర్', 'బాద్‌షా' లాంటి బ్లాక్‌బస్టర్ చిత్రాలతో స్టార్ ప్రొడ్యూసర్‌గా ఎదిగారు. సినిమాల్లో కోట్లాది మంది అభిమానులను సంపాదించుకున్న ఆయన.. ఇప్పుడు నిజ జీవితంలో ఒక తండ్రిగా తన గారాల పట్టి జననిని అత్తారింటికి సాగనంపే అద్భుతమైన ఘట్టాన్ని కళ్లారా చూసి ఎమోషనల్ అయ్యారు.

హైదరాబాద్‌లోని ప్రముఖ జేఆర్సీ కన్వెన్షన్ సెంటర్ వేదికగా జరిగిన ఈ అంగరంగ వైభవ వేడుక తారాతోరణాన్ని తలపించింది. రెండు తెలుగు రాష్ట్రాలకు చెందిన రాజకీయ ప్రముఖులు, సినీ దిగ్గజాలు ఈ వేడుకకు పెద్ద ఎత్తున తరలివచ్చారు. మెగాస్టార్ చిరంజీవి దంపతులతో పాటు, టాలీవుడ్ ప్రముఖ హీరోలు వెంకటేశ్, నాగార్జున.. ఇంకా పలువురు ప్రముఖ దర్శకులు, నటీనటులు విచ్చేసి నూతన వధూవరులు జనని, సూర్యతేజలను ఆశీర్వదించారు.

ఈ వెడ్డింగ్ సెలబ్రేషన్స్‌కు సంబంధించిన ఫొటోలు, వీడియోలు ప్రస్తుతం సోషల్ మీడియాలో తెగ వైరల్ అవుతున్నాయి. మనస్ఫూర్తిగా మాట్లాడే బండ్ల గణేష్ ఇంట జరిగిన ఈ వేడుక ఇప్పుడు టాలీవుడ్‌లో హాట్ టాపిక్‌గా మారింది.