Sigma Event: సిగ్మా ఈవెంట్‌కు మెగా గెస్ట్.. సందీప్ కిషన్ చిత్రానికి చిరంజీవి ఆశీస్సులు..

Sigma Event: యంగ్ హీరో సందీప్ కిషన్ ప్రధాన పాత్రలో తెరకెక్కుతున్న యాక్షన్ ఎంటర్‌టైనర్ సిగ్మా విడుదలకు ముస్తాబవుతోంది. అక్టోబర్ 2న గాంధీ జయంతి కానుకగా ప్రపంచవ్యాప్తంగా థియేటర్లలోకి రానున్న ఈ సినిమా ప్రచార వేగం పెంచింది. ఇందులో భాగంగా సెప్టెంబర్ 25న హైదరాబాద్‌లోని పార్క్ హయత్ హోటల్‌లో సాయంత్రం 6 గంటల నుంచి భారీ స్థాయిలో ప్రీ-రిలీజ్ వేడుకను నిర్వహించనున్నారు.

వేదికపై మెగాస్టార్ మెరుపులు

ఈ గ్రాండ్ ఈవెంట్‌కు టాలీవుడ్ మెగాస్టార్ చిరంజీవి ముఖ్య అతిథిగా విచ్చేస్తున్నారు. ఈ విషయాన్ని నిర్మాణ సంస్థ లైకా ప్రొడక్షన్స్ అధికారికంగా ప్రకటించింది. చిరంజీవి రాకతో సినిమాపై ఒక్కసారిగా బజ్ అమాంతం పెరిగిపోయింది.

విజయ్ కుమారుడు జాసన్ సంజయ్ ఈ చిత్రంతో డైరెక్టర్‌గా వెండితెరకు పరిచయమవుతున్నారు. తొలి ప్రాజెక్ట్‌తోనే ఆయన టాలీవుడ్‌లో అడుగుపెడుతుండటం ఇండస్ట్రీ వర్గాల్లో అమితాసక్తిని రేకెత్తిస్తోంది. సందీప్ కిషన్ సరసన జాతిరత్నాలు ఫేమ్ ఫరియా అబ్దుల్లా కథానాయికగా నటిస్తుండగా, స్టార్ కంపోజర్ ఎస్. తమన్ స్వరాలు సమకూరుస్తున్నారు. లైకా ప్రొడక్షన్స్ బ్యానర్‌పై సుభాస్కరన్ భారీ బడ్జెట్‌తో నిర్మిస్తున్న ఈ చిత్రాన్ని, తెలుగు రాష్ట్రాల్లో ప్రముఖ సంస్థ మైత్రీ మూవీ మేకర్స్ విడుదల చేస్తోంది. గాంధీ జయంతి సెలవుల సీజన్‌ను లక్ష్యంగా చేసుకుని థియేటర్లలోకి దిగుతున్న 'సిగ్మా'కు, మెగాస్టార్ హాజరవుతున్న ఈ వేడుక సరికొత్త ఊపునిస్తుందని చిత్ర యూనిట్ ధీమా వ్యక్తం చేస్తోంది.