Dhanush–Sai Pallavi Reunite Once Again: మరోసారి ధనుష్-సాయిపల్లవి మ్యాజిక్.. కొత్త సినిమాకు రౌడీ బేబీ జోడీ సిద్ధం..!

Dhanush–Sai Pallavi Reunite Once Again: కోలీవుడ్‌లో అత్యంత విజయవంతమైన జోడీగా పేరుపొందిన ధనుష్, సాయిపల్లవి మరోసారి తెరపై సందడి చేయడానికి సిద్ధమవుతున్నట్లు సమాచారం. వీరిద్దరూ కలిసి నటించిన మారి 2 చిత్రంలోని రౌడీ బేబీ పాట ఇప్పటికీ రికార్డులు సృష్టిస్తూనే ఉంది.

ధనుష్ 55వ చిత్రంలో సాయిపల్లవి?

ధనుష్ తన 55వ చిత్రానికి గానూ దర్శకుడు రాజ్‌కుమార్ పెరియసామితో కలిసి పనిచేయనున్నారు. ఈ ప్రతిష్టాత్మక ప్రాజెక్ట్‌లో కథానాయిక పాత్ర కోసం చిత్రబృందం సాయిపల్లవిని సంప్రదించినట్లు కోలీవుడ్ వర్గాలు వెల్లడిస్తున్నాయి. ఇప్పటికే ఆమెతో చర్చలు పూర్తయినట్లు, త్వరలోనే దీనిపై అధికారిక ప్రకటన వెలువడే అవకాశం ఉందని తెలుస్తోంది. అమరన్ చిత్రంతో గుర్తింపు తెచ్చుకున్న రాజ్‌కుమార్ పెరియసామి ఈ చిత్రానికి దర్శకత్వం వహించనున్నారు. మారి 2లో వీరిద్దరి కెమిస్ట్రీకి వచ్చిన అద్భుతమైన స్పందన కారణంగా ఈ కొత్త ప్రాజెక్టుపై అంచనాలు తారాస్థాయికి చేరుకున్నాయి.

బాలీవుడ్‌లో బిజీగా సాయిపల్లవి

ప్రస్తుతం సాయిపల్లవి బాలీవుడ్ ప్రాజెక్టులపై దృష్టి సారించారు. ఆమె రామాయణ అనే ప్రతిష్ఠాత్మక హిందీ చిత్రంలో నటిస్తున్నారు. అలాగే ఆమె నటించిన మేరే రహో అనే మరో హిందీ చిత్రం విడుదలకు సిద్ధంగా ఉంది. ఈ బాలీవుడ్ ప్రాజెక్టులు పూర్తి చేసుకున్న తర్వాతే, ధనుష్ 55వ చిత్రంలో ఆమె నటించే అవకాశాలు ఎక్కువగా ఉన్నాయని సినీ విశ్లేషకులు భావిస్తున్నారు. ఈ అద్భుతమైన కలయిక గురించి అధికారిక ప్రకటన కోసం అభిమానులు ఆసక్తిగా ఎదురుచూస్తున్నారు.