'Viswanath & Sons': ‘విశ్వనాథ్ అండ్ సన్స్’ నుండి ఫస్ట్ సింగిల్ రిలీజ్ !

'Viswanath & Sons': కోలీవుడ్ స్టార్ హీరో సూర్య కథానాయకుడిగా, టాలెంటెడ్ డైరెక్టర్ వెంకీ అట్లూరి దర్శకత్వంలో తెరకెక్కుతున్న మోస్ట్ అవేటెడ్ పీరియాడిక్ ఫ్యామిలీ డ్రామా ‘విశ్వనాథ్ అండ్ సన్స్’ ప్రమోషన్స్ అప్పుడే ఊపందుకున్నాయి. ఈ ఏడాది 2026లో అత్యంత భారీ అంచనాలతో రూపొందుతున్న ఈ చిత్రం నుండి మేకర్స్ ఈరోజు ‘నేనో బటర్‌ఫ్లై’ (Neno Butterfly) పేరుతో మొదటి సింగిల్‌ను విడుదల చేశారు. యువతను ఆకట్టుకునేలా సాగే ఈ బ్రీజీ మెలోడీ సాంగ్, సోషల్ మీడియాలో విడుదలైన కొద్దిసేపట్లోనే శ్రోతలను విశేషంగా ఆకర్షిస్తూ మంచి రెస్పాన్స్‌తో దూసుకుపోతోంది.

స్టార్ కంపోజర్ జి.వి. ప్రకాష్ కుమార్ తన మార్క్ మెలోడీ స్వరాలతో ఈ పాటను అద్భుతంగా మలిచారు. ప్రముఖ గాయని సుభలాషిణి తన గాత్రంతో ఈ పాటకు మరింత ప్రాణం పోయగా, స్టార్ లిరిసిస్ట్ రామజోగయ్య శాస్త్రి అందించిన సాహిత్యం ప్రేమలోని అమాయకత్వాన్ని, మధురమైన అనుభూతిని ఎంతో అందంగా పలికించాయి. రీసెంట్‌గా బ్లాక్‌బస్టర్ హిట్‌తో ఫుల్ ఫామ్‌లో ఉన్న సూర్య, క్లాస్ అండ్ ఫ్యామిలీ ఎంటర్‌టైనర్స్‌ను అద్భుతంగా తెరకెక్కించే వెంకీ అట్లూరి కాంబినేషన్‌లో వస్తున్న సినిమా కావడం, దానికి తోడు ఈ కూల్ అండ్ మెలోడియస్ సాంగ్ తోడవడంతో సినిమాపై అంచనాలు ఒక్కసారిగా రెట్టింపయ్యాయి.

సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ బ్యానర్లపై సూర్యదేవర నాగవంశీ, సాయి సౌజన్య సంయుక్తంగా నిర్మిస్తున్న ఈ చిత్రానికి శ్రీకర స్టూడియోస్ సమర్పకుడిగా వ్యవహరిస్తోంది. బలమైన కుటుంబ విలువలు, భావోద్వేగాల నేపథ్యంతో ఒక ప్యూర్ ఫ్యామిలీ ఎంటర్‌టైనర్‌గా ఈ చిత్రాన్ని మేకర్స్ ప్రేక్షకుల ముందుకు తీసుకురానున్నారు. ఇప్పటికే షూటింగ్ ముగించుకుని పోస్ట్ ప్రొడక్షన్ పనుల్లో బిజీగా ఉన్న ఈ సినిమాను, రాబోయే ఆగస్టు 14, 2026 న ప్రపంచవ్యాప్తంగా థియేటర్లలో గ్రాండ్‌గా విడుదల చేయనున్నట్లు చిత్ర బృందం ఇప్పటికే అధికారికంగా ప్రకటించింది.