Hrithik Roshan: వార్ 2 ప్రీ-రిలీజ్ ఈవెంట్‌లో హృతిక్ రోషన్ తన సహనటుడు జూనియర్ ఎన్టీఆర్ గురించి ఎంతో ఆప్యాయంగా ప్రశంసలతో ముంచెత్తారు. ఈ వేడుకలో హృతిక్ వ్యాఖ్యలు అభిమానులను ఎంతగానో ఆకట్టుకున్నాయి. ఎన్టీఆర్‌ను ఒక అద్భుతమైన వ్యక్తిగా, గొప్ప ప్రతిభావంతుడిగా హృతిక్ ప్రశంసించారు. తనతో కలిసి పనిచేసిన నటులలో ఎన్టీఆర్ తనకి అత్యంత ఇష్టమైన కో-స్టార్ అని అన్నారు.
ఎన్టీఆర్‌ను సింగిల్ టేక్ స్టార్ అని కొనియాడారు ఒక సన్నివేశం కోసం వంద శాతం అంకితభావంతో ఎలా పనిచేయాలో ఎన్టీఆర్ నుంచి నేర్చుకున్నానని చెప్పారు. షాట్ పూర్తయ్యాక తన నటనను మానిటర్‌లో చూసుకోని అవసరం లేని నటుడు ఎన్టీఆర్ అని తెలిపారు. ఎన్టీఆర్ అభిమానులను ఉద్దేశించి మాట్లాడుతూఎన్టీఆర్ మీకు అన్న అయితే, నాకు తమ్ముడు అని చెప్పి అందరినీ ఆశ్చర్యపరిచారు.
ఎన్టీఆర్ ఒక గొప్ప నటుడు మాత్రమే కాకుండా, అద్భుతమైన వంటవాడు (చెఫ్) కూడా అని హృతిక్ వెల్లడించారు. ఎన్టీఆర్ చేసిన బిర్యానీ తనకి చాలా ఇష్టమని, మళ్లీ బిర్యానీ తినడం కోసం తనతో ఇంకో సినిమా చేయాలని సరదాగా అన్నారు. తన 25 సంవత్సరాల సినీ ప్రయాణంలో ఎదుర్కొన్న పరిస్థితులు ఎన్టీఆర్ జీవిత ప్రయాణంలో కూడా కనిపించాయని, అందుకే తాము ఒకరిలో ఒకరిని చూసుకోగలిగామని హృతిక్ అన్నారు. మొత్తంగా, హృతిక్ రోషన్ వ్యాఖ్యలు ఎన్టీఆర్ పట్ల ఆయనకున్న గౌరవాన్ని, స్నేహాన్ని స్పష్టంగా తెలియజేశాయి. ఇది సినిమా ప్రమోషన్లకు మరింత ఊపు తెచ్చింది.
