Dimple Hayathi Clarifies Rumors: నాకు పెళ్లి కాలేదు.. ఆ వార్తలన్నీ అబద్ధం.. రూమర్లపై క్లారిటీ ఇచ్చిన డింపుల్ హయతి

Dimple Hayathi Clarifies Rumors: మాస్ మహారాజా రవితేజ ప్రధాన పాత్రలో నటించిన భర్త మహాశయులకు విజ్ఞప్తి చిత్రం థియేటర్లలో విజయవంతంగా రన్ అవుతోంది. దర్శకుడు కిషోర్ తిరుమల మార్క్ వినోదం, ఫ్యామిలీ ఎమోషన్స్‌తో కూడిన ఈ సినిమా ప్రేక్షకులను విశేషంగా ఆకట్టుకుంటోంది. ఈ చిత్రంలో కథానాయికలుగా నటించిన ఆషిక రంగనాథ్, డింపుల్ హయతి తమ నటనతో మెప్పించారు. ముఖ్యంగా డింపుల్ హయతి తన గ్లామర్‌తో పాటు యాక్టింగ్‌తోనూ మంచి మార్కులు కొట్టేసింది.

నెట్టింట హల్‌చల్ చేసిన రహస్య వివాహం వార్తలు

సినిమా విజయంతో డింపుల్ పేరు ట్రెండింగ్‌లో ఉండగా, అదే సమయంలో ఆమె వ్యక్తిగత జీవితానికి సంబంధించిన కొన్ని పుకార్లు సోషల్ మీడియాలో కలకలం సృష్టించాయి. డింపుల్ హయతికి డేవిడ్ అనే వ్యక్తితో ఇప్పటికే రహస్యంగా వివాహం జరిగిందని, వారిద్దరూ కలిసి జీవిస్తున్నారని నెట్టింట కొన్ని వార్తలు వైరల్ అయ్యాయి.

డింపుల్ క్లారిటీ

తనపై జరుగుతున్న ప్రచారంపై డింపుల్ హయతి నేరుగా స్పందించారు. సోషల్ మీడియా వేదికగా ఓ అభిమాని అడిగిన ప్రశ్నకు ఆమె సమాధానం ఇస్తూ ఈ వార్తలను కొట్టిపారేశారు. తనకు ఇప్పటివరకు వివాహం కాలేదని ఆమె స్పష్టం చేశారు. తనపై వస్తున్న వార్తలన్నీ పూర్తిగా అవాస్తవమని, వాటిలో ఎలాంటి నిజం లేదని తేల్చి చెప్పారు. సోషల్ మీడియాలో ఇలాంటి తప్పుడు వార్తలను సృష్టించవద్దని మరియు వాటిని నమ్మవద్దని అభిమానులను కోరారు. ప్రస్తుతం తన దృష్టంతా కెరీర్ పైనే ఉందని, రూమర్స్ పట్టించుకోవద్దని ఆమె చేసిన కామెంట్స్ ఇప్పుడు వైరల్ అవుతున్నాయి.