Ram Pothineni: నేను సింగిల్.. ఆ ఏకాంతమే నాకు ఇష్టం.. తన ప్రైవేట్ వరల్డ్ గురించి రామ్ మనసువిప్పిన మాటలు

Ram Pothineni: టాలీవుడ్ మోస్ట్ ఎలిజిబుల్ బ్యాచిలర్లలో ఒకరైన రామ్ పోతినేని తన పెళ్లి, రిలేషన్‌షిప్ గురించి వస్తున్న వార్తలకు తనదైన శైలిలో క్లారిటీ ఇచ్చారు. తను ఒంటరిగా ఉండటాన్ని ఎంతగా ఆస్వాదిస్తారో తాజా ఇంటర్వ్యూలో వివరించారు.

ఏకాంతమే నా బలం

రామ్ మాట్లాడుతూ.. సింగిల్‌గా ఉండటం అనేది తను బలవంతంగా తీసుకున్న నిర్ణయం కాదని, అది తన నైజమని పేర్కొన్నారు. చిన్నతనం నుండి ఒంటరిగా ఉండటానికే తాను ప్రాధాన్యత ఇస్తానని, ఆ ఏకాంతం తనకు ఎంతో ప్రశాంతతను ఇస్తుందని వెల్లడించారు. షూటింగ్ సమయంలో వందలాది మంది మధ్య ఉన్నప్పటికీ, తనకంటూ ఒక ప్రత్యేక ప్రపంచాన్ని సృష్టించుకుంటానని, తనతో తాను సమయం గడపడం వల్ల ఎక్కువ ఆనందం లభిస్తుందని రామ్ తెలిపారు.

లాక్‌డౌన్ అనుభవాలు

ఒంటరిగా ఉండటం తనకేమీ కొత్త కాదని చెబుతూ.. లాక్‌డౌన్ సమయంలో దాదాపు ఏడాదిన్నర పాటు ఎవరికీ కలవకుండా ఏకాంతంగా గడిపిన విషయాన్ని ఆయన గుర్తుచేసుకున్నారు. స్నేహితులతో సరదాగా గడపడం ఇష్టమే అయినా, తన వ్యక్తిగత సమయానికి ఎక్కువ ప్రాముఖ్యత ఇస్తానని స్పష్టం చేశారు.

లైఫ్ పార్టనర్ గురించి ఏమన్నారంటే?

భవిష్యత్తులో తన జీవితంలోకి ఎవరైనా వస్తే వారితో ప్రయాణం సాగించడానికి తాను సిద్ధమేనని రామ్ సానుకూలంగా స్పందించారు. అయితే ఒకవేళ ఎవరూ తోడు లేకపోయినా ఒంటరిగానే చాలా సంతోషంగా ఉంటానని, పెళ్లి లేదా రిలేషన్‌షిప్ విషయంలో ఎటువంటి ఒత్తిడి లేదని ఆయన మాటల ద్వారా అర్థమవుతోంది.

ప్రస్తుతం రామ్ చేస్తున్న ఈ వ్యాఖ్యలు ఆయన అభిమానుల మధ్య చర్చనీయాంశంగా మారాయి. తను కేవలం తెరపైనే కాదు, నిజ జీవితంలో కూడా చాలా క్లారిటీ ఉన్న వ్యక్తి అని నెటిజన్లు ప్రశంసిస్తున్నారు.