ఇషా మాలవ్య బాలీవుడ్ డెబ్యూ.. ‘తుమ్ మేరే హో’పై గుర్మీత్ ఆసక్తికర వ్యాఖ్యలు
కెమిస్ట్రీ, మ్యూజిక్ మరియు వెండితెర కలలు.. 'తుమ్ మేరే హో' జంట మనసు విప్పి చెప్పిన విశేషాలు!
బాలీవుడ్ యువ నటుడు గుర్మీత్ చౌదరి, సోషల్ మీడియా సెన్సేషన్ ఇషా మాలవ్య జంటగా నటించిన సరికొత్త మ్యూజికల్ రొమాంటిక్ డ్రామా 'తుమ్ మేరే హో'. గుర్మీత్ చౌదరి సొంత నిర్మాణంలో తెరకెక్కిన ఈ సినిమాతో ఇషా బాలీవుడ్‌కు పరిచయం అవుతోంది. ఇప్పటికే విడుదలైన ట్రైలర్, సాంగ్స్ యూట్యూబ్‌లో ట్రెండ్ అవుతూ సినిమాపై అంచనాలను పెంచేశాయి. ఈ సందర్భంగా ఈ క్రేజీ పెయిర్ సినిమా విశేషాలు, వారి ఆన్-స్క్రీన్ కెమిస్ట్రీ, బాలీవుడ్ జర్నీ గురించి మనతో పంచుకున్న ముచ్చట్లు మీకోసం...
ప్రశ్న: మీ సినిమా టైటిల్ 'తుమ్ మేరే హో' (నువ్వు నావాడివి/నాదానివి) వినడానికి చాలా బాగుంది. ఈ టైటిల్ మీకు ఎలాంటి అనుభూతిని ఇస్తుంది?
గుర్మీత్: 'తుమ్ మేరే హో' అనేది ప్రేమలో ఉండే ఒక గాఢమైన అనుబంధాన్ని, ఒకరిపై ఒకరికి ఉండే హక్కును తెలియజేస్తుంది. సరళంగా చెప్పాలంటే.. "నువ్వు నావాడివి, నేను నీదానిని" అని మనస్ఫూర్తిగా చెప్పుకునే భావన ఇది. గాఢమైన ప్రేమలో ఉన్న ఇద్దరు వ్యక్తుల మధ్య ఉండే బలమైన ఎమోషనల్ కనెక్ట్‌ను ఈ టైటిల్ ప్రతిబింబిస్తుంది.
ప్రశ్న: ఇషా, ఈ సినిమాతో మీరు బాలీవుడ్ డెబ్యూ చేస్తున్నారు. ఈ క్షణం మీకు ఎంత స్పెషల్?
ఇషా: ఈ సినిమా నా హృదయానికి చాలా చాలా దగ్గరైంది. భవిష్యత్తులో నేను ఎన్ని సినిమాలు చేసినా.. నా మొదటి బాలీవుడ్ అడుగు కాబట్టి 'తుమ్ మేరే హో' ఎప్పటికీ నా గుండెల్లో నిలిచిపోతుంది. ఇప్పటికే నేను పంజాబీ సినిమాలో నటించాను. కానీ, ఇంత పెద్ద ప్రొడక్షన్, పైగా గుర్మీత్ లాంటి స్టార్‌తో స్క్రీన్ షేర్ చేసుకోవడం నా అదృష్టం. ప్రస్తుతం నా ఫీలింగ్స్ చెప్పడానికి మాటలు సరిపోవడం లేదు. లోపల ఎంతో ఆనందంగా, ఉత్సాహంగా ఉంది.. అదే సమయంలో కాస్త భయంగా, కంగారుగా కూడా ఉంది (నవ్వుతూ).
ప్రశ్న: గుర్మీత్ గారు, మీ సొంత నిర్మాణంలో వస్తున్న ఈ ప్రాజెక్ట్‌లో నటించడం మీకు ఎలాంటి అనుభూతిని ఇస్తోంది? బాక్సాఫీస్ విజయంపై ఎంత నమ్మకంగా ఉన్నారు?
గుర్మీత్: అవును, ఇది మా హోమ్ ప్రొడక్షన్. కాబట్టి దీని వెనుక ఎన్నో ఎమోషన్స్ ఉన్నాయి. అందరిలాగే మాకూ టెన్షన్, ఎగ్జైట్‌మెంట్ ఉన్నాయి. ఇండియన్ సినిమాలో సంగీతానికి ఎప్పుడూ ప్రత్యేక స్థానం ఉంటుంది. మంచి పాటలు ఉంటే ఆడియన్స్ థియేటర్లకు క్యూ కడతారు. మా సినిమా ట్రైలర్, సాంగ్స్‌కు ఇప్పటికే అద్భుతమైన రెస్పాన్స్ వచ్చింది. సోషల్ మీడియాలో ట్రెండ్ అవుతున్నాయి. అదే మాకు కొండంత నమ్మకాన్ని ఇస్తోంది. రిలీజ్‌కు ఇంకా కొన్ని రోజులే ఉండటంతో డే అండ్ నైట్ కష్టపడుతున్నాం.
హైలైట్స్ - 'తుమ్ మేరే హో' విశేషాలు
జానర్ - మ్యూజికల్ రొమాంటిక్ డ్రామా
స్పెషాలిటీ - ఇషా మాలవ్య బాలీవుడ్ డెబ్యూ & గుర్మీత్ హోమ్ ప్రొడక్షన్
ప్రధాన ఆకర్షణ - నేచురల్ ఆన్-స్క్రీన్ కెమిస్ట్రీ & చార్ట్‌బస్టర్ మ్యూజిక్
ప్రశ్న: ఇషా, 'బిగ్ బాస్' రియాలిటీ షో నుండి రీజినల్ సినిమాలు, ఇప్పుడు బాలీవుడ్.. మీ కెరీర్ జర్నీని ఎలా చూస్తారు?
ఇషా: నిజంగా ఇదొక అద్భుతమైన ప్రయాణం. నా కెరీర్‌లో చాలా దశలు చూశాను. కొన్నిసార్లు అనుకున్నవి అనుకున్నట్లు జరగలేదు, ఆశించిన అవకాశాలు రాలేదు. కానీ మెల్లమెల్లగా అన్నీ సెట్ అయ్యాయి. ఇప్పుడు నేను అనుకున్న దిశలోనే నా కెరీర్ సాగుతోంది. ఒక మంచి ప్రొడక్షన్ హౌస్‌లో, పవర్‌ఫుల్ క్యారెక్టర్‌తో బాలీవుడ్ ఎంట్రీ ఇవ్వాలనేది ప్రతి నటి కల. 'తుమ్ మేరే హో' కంటే బెటర్ బిగినింగ్ నేను ఊహించలేను.
ప్రశ్న: మీ ఇద్దరి ఆన్-స్క్రీన్ కెమిస్ట్రీ గురించి సోషల్ మీడియాలో అప్పుడే టాక్ నడుస్తోంది. మీ పెయిరింగ్‌కు ఎలాంటి రెస్పాన్స్ వస్తుందనుకుంటున్నారు?
గుర్మీత్: ఒక రొమాంటిక్ సినిమాకు కెమిస్ట్రీనే మెయిన్ పిల్లర్. దీనికోసం మేము ప్రత్యేకంగా వర్క్‌షాప్స్ ఏమీ చేయలేదు. నటీనటులు తమ క్యారెక్టర్లకు పర్‌ఫెక్ట్‌గా సూట్ అయితే ఆ కనెక్ట్ నాచురల్‌గా వచ్చేస్తుంది. ఫస్ట్ డే కెమెరా ముందుకు వచ్చినప్పుడే మా వైబ్స్ మ్యాచ్ అయ్యాయి. స్క్రిప్ట్ రీడింగ్ అప్పుడే మా మధ్య ఏదో మ్యాజిక్ వర్కవుట్ అవుతుందని డైరెక్టర్ కూడా ఫీల్ అయ్యారు. పైగా మా సినిమాలోని సంగీతం ఈ కెమిస్ట్రీని మరో లెవెల్‌కు తీసుకెళ్లింది.
ప్రశ్న: సినిమా పోస్టర్ చాలా నేచురల్‌గా, రొమాంటిక్‌గా ఉంది. ఆ మూమెంట్‌ను ఎలా క్యాప్చర్ చేశారు?
గుర్మీత్: ఒక ఆసక్తికరమైన విషయం ఏంటంటే.. మేము పోస్టర్ కోసం విడిగా ఎలాంటి ఫోటోషూట్ చేయలేదు. షూటింగ్ జరుగుతున్నప్పుడు, ఒక సీన్ మధ్యలో నాచురల్‌గా క్లిక్ చేసిన ఫోటో అది. మేము కావాలని పోస్టర్ లుక్ కోసం ట్రై చేయలేదు కాబట్టే.. అందులో అంత లవ్, ప్యూర్ ఎమోషన్ కనిపించాయి. ఆ ఫోటోలో మా మధ్య ఉన్న బాండింగ్ పర్‌ఫెక్ట్‌గా క్యాప్చర్ అయింది.
ప్రశ్న: గుర్మీత్ గారు, మీరు టెలివిజన్‌లో టాప్ స్టార్‌గా వెలిగారు. ఇప్పుడు వెండితెరపై హీరోగా కనిపించడం మీకెలా అనిపిస్తుంది?
గుర్మీత్: చిన్నప్పటి నుంచి థియేటర్‌లో పెద్ద స్క్రీన్‌పై హీరోలను చూస్తూ.. నేను కూడా ఎప్పటికైనా అలా కనిపించాలని కలలు కనేవాడిని. టీవీ ఇండస్ట్రీ నాకు లైఫ్ ఇచ్చింది. గుర్తింపు, గౌరవం, అభిమానులను తెచ్చిపెట్టింది. నా భార్య డెబినా నా ప్రతి అడుగులో సపోర్ట్‌గా నిలిచింది. టీవీలో రొమాంటిక్ రోల్స్ చేసినా, వెండితెరపై ఒక ఫుల్ లెంగ్త్ లవ్ స్టోరీ చేయాలని ఎప్పటి నుంచో అనుకుంటున్నాను. ఈ సినిమాతో నా కల నెరవేరుతోంది. ప్రొడ్యూసర్ అయినప్పటికీ క్రియేటివ్ విషయంలో నేను తలదూర్చలేదు, కేవలం నటుడిగా నా బెస్ట్ ఇచ్చాను.
గుర్మీత్ చౌదరి ఇన్స్పిరేషన్స్ :
• అమితాబ్ బచ్చన్ (యాక్టింగ్ & లెగసీ)
• అక్షయ్ కుమార్ (యాక్షన్, స్టైల్ & రఫ్ లుక్)
• షారూఖ్ ఖాన్ (ఆన్ & ఆఫ్ స్క్రీన్ పర్సనాలిటీ)
ప్రశ్న: గుర్మీత్.. దీన్ని బట్టి చూస్తే ఫ్యూచర్‌లో మిమ్మల్ని ఫుల్ యాక్షన్ సినిమాల్లో చూడొచ్చా?
గుర్మీత్: ఖచ్చితంగా! నేను యాక్షన్ సినిమాల కోసం పూర్తిగా సిద్ధంగా ఉన్నాను. నాకైతే యాక్షన్ జానర్ అంటే చాలా ఇష్టం. కానీ సరైన సమయంలో సరైన ప్రాజెక్ట్ రావాలి. 'తుమ్ మేరే హో'తో ప్రస్తుతానికి ప్యూర్ లవ్ అండ్ ఎమోషన్స్‌ను టచ్ చేస్తున్నాను. భవిష్యత్తులో డిఫరెంట్ జానర్స్ ట్రై చేస్తాను.
ప్రశ్న: ఇషా, ఈ సినిమాలో మీ క్యారెక్టర్ 'తమన్నా' గురించి చెప్పండి? మిమ్మల్ని అంతలా ఏం ఆకర్షించింది?
ఇషా: ప్రతి నటికీ కొన్ని డ్రీమ్ క్యారెక్టర్స్ ఉంటాయి. నాకు 'జబ్ వి మెట్' సినిమాలో కరీనా కపూర్ చేసిన 'గీత్' క్యారెక్టర్ అంటే పిచ్చి. ఎంతో బబ్లీగా, ఎనర్జిటిక్‌గా, లైవ్‌లీగా ఉంటుంది. రియల్ లైఫ్ లో నేను కూడా చిన్నప్పటి నుంచి అంతే బబ్లీగా ఉంటాను. నా నిజ జీవిత వ్యక్తిత్వానికి దగ్గరగా ఉండే పాత్రే 'తమన్నా'. అందుకే ఈ క్యారెక్టర్‌ను ఆడియన్స్ కూడా బాగా ఓన్ చేసుకుంటారని నమ్ముతున్నాను.
ప్రశ్న: ఇషాని కరీనా కపూర్‌తో పోల్చడంపై మీ స్పందన ఏంటి?
ఇషా: అమ్మో! అది నాకు దక్కిన అతిపెద్ద కాంప్లిమెంట్. కరీనా మ్యామ్ లెజెండరీ యాక్టర్. ఆమెతో నన్ను పోల్చడం చాలా ఆనందంగా ఉంది.
గుర్మీత్: ఇషాలో నిజంగానే ఆ బబ్లీనెస్ మరియు స్పార్క్ ఉన్నాయి. ఒక కో-స్టార్‌గా ఆమెలోని బెస్ట్ యాక్టింగ్‌ను బయటకు తీయడం నా బాధ్యత. ఈ సినిమా రిలీజ్ అయ్యాక ఇండస్ట్రీలో ఇషాకు మరిన్ని క్రేజీ ఆఫర్స్ వస్తాయని నేను ఖచ్చితంగా చెప్పగలను. తనకిది గ్రేట్ బిగినింగ్.
ప్రశ్న: సినిమాలో మీకు బాగా నచ్చిన సాంగ్ ఏది?
ఇషా: డౌట్ లేకుండా టైటిల్ ట్రాక్ 'తుమ్ మేరే హో' నా ఆల్-టైమ్ ఫేవరెట్. అయితే సినిమాలో అన్ని మూడ్స్‌కు తగ్గ పాటలు ఉన్నాయి. పార్టీ సాంగ్స్, వెడ్డింగ్ సాంగ్స్ ఉన్నాయి. ముఖ్యంగా 'నక్రే' అనే మరాఠీ-హిందీ కాంబినేషన్ సాంగ్ చాలా డిఫరెంట్‌గా ఉంటుంది. ఆడియన్స్‌కు ఇది కొత్త ఫీల్ ఇస్తుంది.
ప్రశ్న: చివరగా, పరిశ్రమలోకి వచ్చే కొత్త నటీనటులకు మీరిచ్చే సలహా ఏంటి? అభిమానులకు ఏం చెప్తారు?
గుర్మీత్: సినిమా ఇండస్ట్రీలోకి రావాలనుకునే వారికి ఒకటే చెప్తాను.. మీ కలల పట్ల మీకు విపరీతమైన ప్యాషన్ ఉండాలి. ఇక్కడ ప్రయాణం అంత ఈజీ కాదు. గెలుపోటములు సహజం. ఓపిక, పట్టుదల ఉంటేనే ఇక్కడ సాధించగలం.
ఇషా & గుర్మీత్: మా 'తుమ్ మేరే హో' సినిమాను థియేటర్లలో చూసి ఆస్వాదించండి. ఇప్పటివరకు మాపై చూపించిన ప్రేమను, ఆదరణను ఈ సినిమాపై కూడా చూపిస్తారని ఆశిస్తున్నాము. థాంక్యూ సో మచ్!
ఇంటర్వ్యూ : లిపికా వర్మ
