Jagapathi Babu: రామ్ చరణ్ కెరీర్లో ప్రతిష్టాత్మక ప్రాజెక్ట్గా రూపొందుతున్న పెద్ది చిత్రం నుంచి మేకర్స్ ఒక పవర్ఫుల్ అప్డేట్ ఇచ్చారు. ఈ సినిమాలో వర్సటైల్ యాక్టర్ జగపతిబాబు ఒక విలక్షణమైన పాత్రలో కనిపించబోతున్నారు. ఈ చిత్రంలో జగపతిబాబు అప్పలసూరి అనే అత్యంత శక్తివంతమైన పాత్రను పోషిస్తున్నారు. సోమవారం విడుదల చేసిన ఆయన ఫస్ట్ లుక్ పోస్టర్ చూసి నెటిజన్లు ఆశ్చర్యపోతున్నారు. ఆ పోస్టర్లో ఉన్నది జగపతిబాబేనా అనేలా ఆయన మేకప్, గెటప్ ఉండటం విశేషం. ఈ పాత్ర చుట్టూనే సినిమాలోని ప్రధాన మలుపులు తిరుగుతాయని సమాచారం.
భారీ తారాగణం - సాంకేతిక బృందం
రామ్ చరణ్ సరసన బాలీవుడ్ బ్యూటీ జాన్వీ కపూర్ నటిస్తోంది. కన్నడ లెజెండ్ శివ రాజ్కుమార్ ఒక ముఖ్య పాత్రలో మెరవనున్నారు. ఆస్కార్ విజేత ఏఆర్ రెహమాన్ ఈ చిత్రానికి అద్భుతమైన స్వరాలు సమకూరుస్తున్నారు. మైత్రీ మూవీ మేకర్స్, వృద్ధి సినిమాస్, సుకుమార్ రైటింగ్స్ సంయుక్తంగా అత్యున్నత సాంకేతిక విలువలతో ఈ సినిమాను నిర్మిస్తున్నాయి.
విడుదల తేదీ ఖరారు
స్పోర్ట్స్ డ్రామా నేపథ్యంలో తెరకెక్కుతున్న ఈ సినిమాను 2026 మార్చి 27న ప్రపంచవ్యాప్తంగా విడుదల చేయనున్నట్లు నిర్మాతలు అధికారికంగా ప్రకటించారు. జగపతిబాబు లుక్ విడుదలవడంతో రామ్ చరణ్ లుక్ ఎలా ఉండబోతుందోనని మెగా అభిమానులు ఎంతో ఆతృతగా ఎదురుచూస్తున్నారు.
