‘January 12 Release’: 'జనవరి 12 విడుదల': టైటిల్ వీడియోతో నవ్వుల రచ్చ!

‘January 12 Release’: అనిల్ రావిపూడి, వెంకటేష్, నందమూరి కళ్యాణ్ రామ్ కలయికలో వస్తున్న క్రేజీ మల్టీస్టారర్ సినిమా టైటిల్ బయటకు వచ్చేసింది. గతంలో అనుకున్నట్లే ఈ సినిమాకి "జనవరి 12 విడుదల" అనే విచిత్రమైన టైటిల్‌ను ఖరారు చేస్తూ, ఒక సరదా ప్రమోషనల్ వీడియో ద్వారా అధికారికంగా ప్రకటించారు.

ఈ ప్రమోషనల్ వీడియో దివంగత ప్రముఖ దర్శకుడు ఈవీవీ సత్యనారాయణగారి 'అప్పుల అప్పారావు' సినిమాలోని "ఏ అప్పారావు" సీన్‌ను గుర్తుచేస్తూ చాలా కామెడీగా మొదలవుతుంది. ఆ తర్వాత అనిల్ రావిపూడి తన మార్కు హ్యూమర్‌తో టైటిల్‌ను అనౌన్స్ చేశారు. హీరోలిద్దరూ సినిమా టైటిల్ ఏంటని అడగ్గా, అనిల్ "జనవరి 12 విడుదల" అని చెబుతారు. మొదట అది సినిమా రిలీజ్ డేట్ ఏమో అని నటులు పొరబడతారు, కానీ ఆ తర్వాత అదే సినిమా అసలు టైటిల్ అని తెలుసుకుని షాక్ అవుతారు.

తన ప్రతి సినిమాలోనూ సింపుల్ పదాలతో నవ్వులు పూయించే అనిల్ రావిపూడి, ఈసారి కూడా టైటిల్‌తోనే మంచి క్రేజ్ తెచ్చిపెట్టారు. ఈ సినిమాకి "బావ బామ్మర్ది సౌజన్యంతో" అనే టాగ్ లైన్ పెట్టారు. సినిమాలో వెంకటేష్, కళ్యాణ్ రామ్‌లు బావా బామ్మర్దులుగా కనిపించబోతున్నారు. వీరి సరసన కీర్తి సురేష్, కృతి శెట్టి కథానాయికలుగా నటిస్తున్నారు.

ఈ చిత్రాన్ని షైన్ స్క్రీన్స్ బ్యానర్‌పై సాహు గారపాటి నిర్మిస్తుండగా.. సురేష్ ప్రొడక్షన్స్, శ్రీమతి అర్చన మరియు జీ స్టూడియోస్ సంయుక్తంగా సమర్పిస్తున్నారు. అనిల్ రావిపూడి మార్కు మార్క్ ఎంటర్‌టైన్‌మెంట్‌తో రాబోతున్న ఈ సినిమాపై అప్పుడే భారీ అంచనాలు నెలకొన్నాయి.