Chennai Love Story: చెన్నై లవ్ స్టోరీ నుండి జిగితార సాంగ్ రిలీజ్.. మణిశర్మ మెలోడీ మ్యాజిక్..

Chennai Love Story: కిరణ్ అబ్బవరం హీరోగా, బేబీ చిత్ర నిర్మాత ఎస్.కె.ఎన్, దర్శకుడు సాయి రాజేష్ కలయికలో తెరకెక్కుతున్న తాజా చిత్రం చెన్నై లవ్ స్టోరీ . ఈ సినిమా ప్రమోషన్స్‌లో భాగంగా తిరుపతిలో నిర్వహించిన ఒక ఈవెంట్‌లో జిగితార అనే మొదటి పాటను చిత్ర బృందం ఘనంగా విడుదల చేసింది.

శఆకట్టుకుంటున్న జిగితార

ప్రేమలో ఉన్న ఒక యువకుడి మనోభావాలను ఆవిష్కరించే ఈ మెలోడీ సాంగ్, విడుదలైన కొద్దిసేపట్లోనే సంగీత ప్రియులను విపరీతంగా ఆకర్షించింది..మెలోడీ బ్రహ్మ మణిశర్మ అందించిన ట్యూన్ ఈ పాటకు ప్రాణంగా నిలిచింది. ప్రముఖ గాయకుడు కార్తీక్ తన మధురమైన స్వరంతో ఈ పాటను అద్భుతంగా ఆలపించారు. ప్రేమలోని లోతును తెలియజేసేలా అనంత శ్రీరామ్ రాసిన లిరిక్స్ శ్రోతలను ఆకట్టుకుంటున్నాయి.

ఈ చిత్రానికి సాయి రాజేష్ కథను అందించగా, రవి నంబూరి దర్శకత్వం వహిస్తున్నారు. అమృత ప్రొడక్షన్స్, మాస్ మూవీ మేకర్స్ బ్యానర్లపై ఈ సినిమా రూపుదిద్దుకుంటోంది. ఈ లవ్ స్టోరీలో కిరణ్ అబ్బవరం సరసన శ్రీ గౌరీ ప్రియ కథానాయికగా నటిస్తోంది. పూర్తిగా ప్రేమ, కుటుంబ బంధాల చుట్టూ తిరిగే ఒక అందమైన రొమాంటిక్ డ్రామాగా ఈ చిత్రం ప్రేక్షకుల ముందుకు రానుంది.

జూలై 24న గ్రాండ్ రిలీజ్

ప్రస్తుతం అన్ని పనులను పూర్తి చేసుకుని పోస్ట్ ప్రొడక్షన్ దశలో ఉన్న ఈ చిత్రాన్ని జూలై 24న ప్రపంచవ్యాప్తంగా థియేటర్లలో విడుదల చేయడానికి నిర్మాతలు సన్నాహాలు చేస్తున్నారు. సినిమా విడుదలకు ముందే జిగితార పాట సూపర్ హిట్ అవ్వడంతో సినిమాపై అంచనాలు, బిజినెస్ బజ్ మరింత పెరిగాయని టాలీవుడ్ వర్గాలు అంటున్నాయి.