Rashmika’s Funny Reply: 100 ఏళ్ల తర్వాత చూద్దాం.. నెటిజన్‌ ప్రపోజల్‌కు రష్మిక ఫన్నీ రిప్లై

Rashmika’s Funny Reply: టాలీవుడ్ నటి రష్మిక మందన్న ఇటీవల ఇన్‌స్టాగ్రామ్‌లో నిర్వహించిన ఆస్క్ మీ ఎనీథింగ్ సెషన్ ద్వారా అభిమానులతో ముచ్చటించారు. ఈ సందర్భంగా ఫ్యాన్స్ అడిగిన పలు ప్రశ్నలకు ఆమె సరదాగా, ఎమోషనల్‌గా సమాధానాలిచ్చారు. ఒక నెటిజన్ రష్మికను చాలా ఆసక్తికరంగా ప్రపోజ్ చేస్తూ.. "రాబోయే 400-500 ఏళ్ల పాటు నా వాలెంటైన్‌గా ఉంటారా?" అని అడిగాడు. దీనికి రష్మిక చమత్కారంగా స్పందించారు. "ఈ 100 సంవత్సరాల తర్వాత కూడా మనం ఇదే జన్మలో బతికి ఉంటే.. అప్పుడు తప్పకుండా ఉందాం!" అంటూ నవ్వుతూ సమాధానం ఇచ్చారు. ఈ ఫన్నీ రిప్లై సోషల్ మీడియాలో వైరల్ అవుతోంది.

ది గర్ల్‌ఫ్రెండ్ షూటింగ్‌పై ఎమోషనల్ కామెంట్స్

ఇదే సెషన్‌లో రష్మిక తన తదుపరి చిత్రం ది గర్ల్‌ఫ్రెండ్ షూటింగ్ అనుభవాలను పంచుకున్నారు. ఈ సినిమా షూటింగ్ తనను మానసికంగా చాలా అలసిపోయేలా చేసిందని ఆమె వెల్లడించారు. "సాధారణంగా మనం మర్చిపోవాలనుకునే ఎన్నో లోతైన, నిజమైన భావోద్వేగాలను ఈ సినిమా కోసం మళ్లీ గుర్తుచేసుకోవాల్సి వచ్చింది. ఆ అనుభవాలను మళ్లీ జీవించడం నాకు చాలా కష్టంగా అనిపించింది" అని రష్మిక ఎమోషనల్ అయ్యారు. రాహుల్ రవీంద్రన్ దర్శకత్వంలో తెరకెక్కుతున్న ది గర్ల్‌ఫ్రెండ్ నవంబర్ 7న థియేటర్లలోకి వచ్చే అవకాశం ఉంది. హేషమ్ అబ్దుల్ వాహబ్ ఈ చిత్రానికి సంగీతం అందించారు.