Mahesh and Priyanka's Leaked Photo: మహేశ్, ప్రియాంక ఫొటో లీక్.. సోషల్ మీడియాలో వైరల్

Mahesh and Priyanka's Leaked Photo: టాలీవుడ్ సూపర్ స్టార్ మహేశ్ బాబు - ఎస్.ఎస్. రాజమౌళి కాంబినేషన్‌లో తెరకెక్కుతున్న సినిమాపై దేశవ్యాప్తంగా భారీ అంచనాలు ఉన్నాయి. ఈ చిత్రానికి సంబంధించిన ప్రతి చిన్న అప్‌డేట్ కూడా సోషల్ మీడియాలో వైరల్ అవుతోంది. సినిమాకు సంబంధించిన వివరాలను గోప్యంగా ఉంచేందుకు రాజమౌళి అన్ని జాగ్రత్తలు తీసుకుంటున్నప్పటికీ, తాజాగా షూటింగ్ సెట్‌లోని ఒక ఫొటో లీక్ అయింది.

ఈ సినిమాలో బాలీవుడ్ స్టార్ హీరోయిన్ ప్రియాంకా చోప్రా నటిస్తున్న సంగతి తెలిసిందే. ఈ నెల 9న జరిగిన మహేశ్ బాబు పుట్టినరోజు వేడుకల్లో ప్రియాంక చోప్రా కూడా పాల్గొన్నారు. ఈ సందర్భంగా మహేశ్ బాబు, ప్రియాంక కలిసి దిగిన ఒక ఫొటో లీక్ అయి ప్రస్తుతం సోషల్ మీడియాలో వైరల్ అవుతోంది. మహేశ్, ప్రియాంక ఒకే ఫ్రేమ్‌లో కనిపించడం ఇదే మొదటిసారి కావడంతో అభిమానులు ఈ ఫొటోను షేర్ చేస్తూ తమ ఆనందాన్ని వ్యక్తం చేస్తున్నారు. ఈ సినిమా అప్‌డేట్స్ కోసం సినీ ప్రియులు ఆసక్తిగా ఎదురుచూస్తున్నారు.