Mega Victory Mass Release: మెగా విక్టరీ మాస్ రిలీజ్..చిరు,వెంకీ స్టెప్స్ అదుర్స్

Mega Victory Mass Release: మెగాస్టార్ చిరంజీవి, విక్టరీ వెంకటేష్ కలిసి నటించిన క్రేజీ మాస్ సాంగ్ 'మెగా విక్టరీ మాస్' ఘనంగా విడుదలయ్యింది. అనిల్ రావిపూడి దర్శకత్వంలో రాబోతున్న మన శంకరవరప్రసాద్ గారు సినిమా నుంచి ఈ మూడో సింగిల్‌ను మేకర్స్ రిలీజ్ చేశారు.న్యూ ఇయర్ , సంక్రాంతి పండుగ మూడ్‌ను తెచ్చేలా ఉన్న ఈ సాంగ్ ప్రస్తుతం సోషల్ మీడియాలో ట్రెండింగ్‌లో ఉంది. గుంటూరులోని విజ్ఞాన్ యూనివర్సిటీలో జరిగిన గ్రాండ్ ఈవెంట్‌లో ఈ పాటను లాంచ్ చేశారు.

ఏందీ బాసు సంగతి.. ఇరగదీద్దాం సంక్రాంతి" అంటూ సాగే ఈ మాస్ నంబర్‌ను కాసర్ల శ్యామ్ రాశారు. భీమ్స్ సిసిరోలియో మాస్ బీట్స్‌తో అదిరిపోయే ట్యూన్ అందించారు.నకాష్ అజీజ్, విశాల్ దడ్లానీ తమ ఎనర్జిటిక్ వాయిస్‌తో ఈ పాటకు మరింత జోష్ ఇచ్చారు. విజయ్ పోలకి కొరియోగ్రఫీలో చిరంజీవి గ్రేస్, వెంకటేష్ ఎనర్జీ కలిసిన డ్యాన్స్ మూమెంట్స్ అభిమానులకు ఐ ఫీస్ట్‌లా ఉన్నాయి.

ఈ సినిమాలో చిరంజీవి హీరోగా, నయనతార హీరోయిన్‌గా నటిస్తుండగా, వెంకటేష్ ఒక కీలకమైన 'ఎక్స్‌టెండెడ్ కేమియో'పాత్రలో కనిపిస్తున్నారు.ఈ సినిమాకు అనిల్ రావిపూడి దర్శకత్వం వహిస్తున్నారు.ఈ చిత్రం సంక్రాంతి కానుకగా జనవరి 12, 2026న ప్రపంచవ్యాప్తంగా విడుదల కానుంది.