Megastar Mammootty: ధనుష్ హీరోగా తెరకెక్కుతున్న తన 55వ చిత్రం 'D55' గురించి గత కొన్ని రోజులుగా సోషల్ మీడియాలో జరుగుతున్న ప్రచారానికి ఎట్టకేలకు తెరపడింది. ఈ సినిమాలో 'M' అనే అక్షరంతో మొదలయ్యే ఒక ప్రముఖ నటుడు లేదా నటి భాగం కాబోతున్నారని చిత్ర యూనిట్ ఒక హింట్ ఇవ్వడంతో, అది మృణాల్ ఠాకూర్ అని అందరూ భావించారు. ముఖ్యంగా ధనుష్ వ్యక్తిగత జీవితంపై వస్తున్న పుకార్ల నేపథ్యంలో, మృణాల్ ఈ ప్రాజెక్టులోకి వస్తోందని నెటిజన్లు అంచనా వేశారు. అయితే, చిత్ర బృందం ఈ అంచనాలను తలకిందులు చేస్తూ ఒక భారీ ప్రకటన చేసింది.
ఆ 'M' మృణాల్ ఠాకూర్ కాదు, మలయాళ మెగాస్టార్ మమ్ముట్టి అని మేకర్స్ అధికారికంగా వెల్లడించారు. "ఒక గొప్ప కథను 'బిగ్ ఎమ్' ఎంచుకుంటే అది చరిత్ర అవుతుంది" అంటూ చిత్ర బృందం మమ్ముట్టికి ఘనస్వాగతం పలికింది. ఇటీవల పద్మభూషణ్ పురస్కారాన్ని అందుకున్న మమ్ముట్టి ఈ సినిమాలో ఒక అత్యంత కీలకమైన పాత్రలో కనిపించబోతున్నారు. ఒకే ఫ్రేమ్లో ధనుష్, మమ్ముట్టి వంటి ఇద్దరు విలక్షణ నటులను చూడటం ప్రేక్షకులకు కనువిందుగా మారనుంది.
'అమరన్' చిత్రంతో భారీ విజయాన్ని అందుకున్న రాజ్కుమార్ పెరియసామి ఈ చిత్రానికి దర్శకత్వం వహిస్తున్నారు. ఇప్పటికే ఈ సినిమాలో సాయి పల్లవి, శ్రీలీల హీరోయిన్లుగా నటిస్తున్నట్లు మేకర్స్ ప్రకటించి అందరినీ ఆకట్టుకున్నారు. ధనుష్ తన సొంత బ్యానర్ వండర్బార్ ఫిల్మ్స్ పై నిర్మిస్తున్న ఈ చిత్రంపై అంచనాలు భారీగా పెరిగాయి. మమ్ముట్టి చేరికతో ఈ సినిమా పాన్-ఇండియా స్థాయిలో మరింత క్రేజ్ను సంపాదించుకుంది.
