Mirai Now Streaming on OTT: తేజ సజ్జా నటించిన 'మిరాయ్' సినిమా థియేటర్లలో పెద్ద విజయం సాధించింది. ఈ సినిమా ఓటీటీ హక్కులను జియో హాట్ స్టార్ దక్కించుకుంది. థియేట్రికల్ విడుదలైన సుమారు నాలుగు వారాల తర్వాత ఈ సినిమా ఓటీటీలోకి వస్తుంది.
'మిరాయ్' సినిమా అక్టోబర్ 10 నుంచి ఓటీటీలో స్ట్రీమింగ్ అవుతుందని జియో హాట్‌స్టార్ అధికారికంగా ప్రకటించింది. తెలుగుతో పాటు తమిళం, కన్నడ, మలయాళం భాషల్లో ఈ సినిమా అందుబాటులో ఉంటుంది.'మిరాయ్' హిందీ వెర్షన్ మాత్రం థియేట్రికల్ విడుదలైన రెండు నెలల తర్వాత ఓటీటీలోకి వచ్చే అవకాశం ఉంది.
ఈ సినిమా సుమారు రూ. 60 కోట్ల బడ్జెట్‌తో నిర్మించబడింది. తేజ సజ్జా కెరీర్‌లో ఇది మరో పెద్ద హిట్ అని చెప్పవచ్చు, గత చిత్రం 'హనుమాన్' తర్వాత 'మిరాయ్' కూడా భారీ విజయాన్ని సాధించింది. ఈ సినిమాకు పవన్ కళ్యాణ్ 'ఓజీ' సినిమా నుంచి గట్టి పోటీ ఎదురైనప్పటికీ, మంచి వసూళ్లు సాధించింది.ప్రపంచవ్యాప్తంగా రూ. 150 కోట్లకు పైగా వసూలు చేసినట్లు చిత్ర నిర్మాణ సంస్థ అధికారికంగా ప్రకటించింది.
