Mrityunjaya Public Talk: ఇన్వెస్టిగేటివ్ థ్రిల్లర్ మృత్యుంజయ పబ్లిక్ టాక్ ఎలా ఉందంటే.?

Mrityunjaya Public Talk: శ్రీ విష్ణు కథానాయకుడిగా నటించిన లేటెస్ట్ ఇన్వెస్టిగేటివ్ థ్రిల్లర్ 'మృత్యుంజయ్' ఈరోజే థియేటర్లలో విడుదలైంది. ఇప్పటివరకు ప్రేక్షకుల నుంచి ఈ సినిమాకు మంచి స్పందన లభిస్తోంది. ముఖ్యంగా క్రైమ్ థ్రిల్లర్ జోనర్‌ను ఇష్టపడే వారికి ఈ సినిమా బాగా కనెక్ట్ అవుతోంది.

ప్లస్ పాయింట్స్

శ్రీ విష్ణు నటన: గత కొన్ని సినిమాల్లో కేవలం కామెడీతో అలరించిన శ్రీ విష్ణు, ఈ సినిమాలో చాలా సీరియస్,సెటిల్డ్ పర్ఫార్మెన్స్‌తో మెప్పించారు. జయ్ అనే క్యారెక్టర్‌లో ఆయన ఒదిగిపోయిన తీరుకు ప్రశంసలు అందుతున్నాయి. సినిమా ఫస్టాఫ్ కాస్త నెమ్మదిగా సాగినా, సెకండాఫ్ మాత్రం చాలా ఉత్కంఠభరితంగా ఉంటుందని ప్రేక్షకులు చెబుతున్నారు. సినిమా చివర్లో వచ్చే మలుపులు, హీరో-విలన్ మధ్య సాగే మైండ్ గేమ్ ఆడియన్స్‌ను థ్రిల్ చేస్తున్నాయి.సినిమాలో చిన్నారి పాపకు, హీరోకు మధ్య ఉండే ఎమోషనల్ బాండింగ్ కథకు బలంగా నిలిచింది. సినిమా నిడివి సుమారు 2 గంటల 2 నిమిషాలు మాత్రమే ఉండటం, ఎక్కడా అనవసరమైన సాగతీత లేకపోవడం ప్లస్ అయ్యింది.

మైనస్ పాయింట్స్

సినిమా ప్రారంభంలో పాత్రల పరిచయం , కథలోకి వెళ్లడానికి కొంచెం సమయం తీసుకుంటుంది. శ్రీ విష్ణు నుంచి కామెడీ ఆశించి వెళ్లే వారికి ఈ సినిమా కొంచెం నిరాశ కలిగించవచ్చు, ఎందుకంటే ఇది పూర్తిస్థాయి సీరియస్ థ్రిల్లర్.

సస్పెన్స్, ఇన్వెస్టిగేషన్,మంచి ట్విస్టులు ఉన్న థ్రిల్లర్ సినిమాలను ఇష్టపడితే, 'మృత్యుంజయ్' కచ్చితంగా చూడదగ్గ సినిమా.