Naga Chaitanya’s 25th Film: అక్కినేని నాగచైతన్య తన కెరీర్లో అత్యంత కీలకమైన 25వ మైలురాయి చిత్రాన్ని (NC25) ప్రముఖ నిర్మాణ సంస్థ సితార ఎంటర్టైన్మెంట్స్తో చేసేందుకు సిద్ధమవుతున్నారు. ఈ ప్రతిష్టాత్మక ప్రాజెక్ట్ కోసం నిర్మాత ఎస్. నాగవంశీ ఒక భారీ ప్లాన్ను రూపొందిస్తున్నారు. చైతన్య సినీ ప్రస్థానంలో ఇది ఒక గుర్తుండిపోయే సినిమాగా నిలవాలని చిత్ర బృందం భావిస్తోంది.
ఈ ప్రాజెక్ట్ గురించి నిర్మాత నాగవంశీ మాట్లాడుతూ, ఇది కేవలం మరో సినిమా మాత్రమే కాదని, నాగచైతన్య పదేళ్ల ప్రయాణానికి, ఆయన ఎదుగుదలకు ఒక నివాళిగా ఉంటుందని తెలిపారు. సితార ఎంటర్టైన్మెంట్స్ బ్యానర్లో ఈ సినిమాను అత్యంత భారీ బడ్జెట్తో, ఉన్నత సాంకేతిక విలువలతో నిర్మించనున్నారు. గతంలో చైతన్యతో కలిసి పనిచేసిన ఈ సంస్థ, చాలా కాలం తర్వాత మళ్ళీ ఆయనతో జతకట్టడం సినీ వర్గాల్లో ఆసక్తిని రేకెత్తిస్తోంది.
శాబ్ద కాలానికి పైగా సాగిన తన కెరీర్లో చైతన్య రొమాంటిక్ డ్రామాలు, ఫ్యామిలీ ఎంటర్టైనర్లు, యాక్షన్ చిత్రాలతో తనకంటూ ప్రత్యేక గుర్తింపు తెచ్చుకున్నారు. ముఖ్యంగా 2025లో వచ్చిన 'తండేల్' సినిమా రూ. 100 కోట్ల క్లబ్లో చేరడంతో ఆయన మార్కెట్ మరింత పెరిగింది. ప్రస్తుతం ఆయన కార్తీక్ దండు దర్శకత్వంలో 'వృషకర్మ' (NC24) అనే మిథికల్ థ్రిల్లర్లో నటిస్తున్నారు.
నాగచైతన్య 25వ సినిమాకు సంబంధించి ఇప్పటివరకు అధికారికంగా దర్శకుడి పేరు ప్రకటించలేదు. అయితే, టాలీవుడ్లో వినిపిస్తున్న సమాచారం ప్రకారం 'మజిలీ' వంటి సూపర్ హిట్ అందించిన శివ నిర్వాణ లేదా 'బెదురులంక 2012' ఫేమ్ క్లాక్స్ ఈ ప్రాజెక్ట్ను పట్టాలెక్కించే అవకాశం ఉంది. దీనికి సంబంధించిన పూర్తి వివరాలు, నటీనటుల సమాచారం రాబోయే నెలల్లో వెల్లడి కానున్నాయి. అక్కినేని అభిమానులు మాత్రం తమ అభిమాన హీరో 25వ సినిమా కెరీర్ బెస్ట్ హిట్ కావాలని ఆశిస్తున్నారు.
