Nagarjuna's 100th Movie: నాగార్జున 100వ మూవీ టైటిల్ ఫిక్స్.. సైలెంట్‌గా షూటింగ్ స్టార్ట్..!

Nagarjuna's 100th Movie: టాలీవుడ్ సీనియర్ హీరో అక్కినేని నాగార్జున తన కెరీర్‌లోని ప్రతిష్టాత్మక 100వ సినిమాను ఎలాంటి ప్రత్యేక ఆర్భాటం లేకుండా నిశ్శబ్దంగా ప్రారంభించినట్లు తెలుస్తోంది. ఇటీవలి కాలంలో కుబేర, కూలీ వంటి విజయవంతమైన చిత్రాలతో మంచి ఊపు మీద ఉన్న ఆయన తన వందో ప్రాజెక్టును కూడా తాజాగా సెట్స్‌పైకి తీసుకెళ్లారు. అంతేకాకుండా ఈ చిత్రానికి లాటరీ కింగ్ అనే ఆసక్తికరమైన టైటిల్‌ను దాదాపు ఖరారు చేసినట్లు టాలీవుడ్ సర్కిల్స్‌లో జోరుగా ప్రచారం జరుగుతోంది.

నాగార్జున 100వ చిత్రానికి తమిళ దర్శకుడు కార్తీక్ దర్శకత్వం వహిస్తున్నారు. ఈ మూవీ పూర్తిస్థాయి యాక్షన్ అండ్ కామెడీ ఎంటర్‌టైనర్‌గా రూపొందనుంది. నాగార్జున అభిమానులను అలరించే అంశాలు ఇందులో పుష్కలంగా ఉంటాయని తెలుస్తోంది. ఈ ప్రతిష్టాత్మక చిత్రాన్ని నాగార్జున సొంత నిర్మాణ సంస్థ అయిన అన్నపూర్ణ స్టూడియోస్ భారీ బడ్జెట్‌తో నిర్మిస్తోంది. ఇప్పటివరకు కింగ్-100 అనే వర్కింగ్ టైటిల్‌తో ప్రచారంలో ఉన్న ఈ సినిమాకు, మేకర్స్ తాజాగా లాటరీ కింగ్ అనే పేరును ఖరారు చేశారని విశ్వసనీయ వర్గాలు చెబుతున్నాయి. ఈ టైటిల్‌పై అతి త్వరలోనే అధికారిక ప్రకటన వెలువడే అవకాశం ఉందని తెలుస్తోంది.