Good News for Pawan Kalyan Fans: న్యూ ఇయర్ రోజు..పవన్ ఫ్యాన్స్ కు అదిరిపోయే గుడ్ న్యూస్

Good News for Pawan Kalyan Fans: పవర్ స్టార్ పవన్ కళ్యాణ్ అభిమానులకు 2026 కొత్త సంవత్సరం కానుకగా అదిరిపోయే అప్‌డేట్ వచ్చింది. దర్శకుడు సురేందర్ రెడ్డి, పవన్ కళ్యాణ్ కాంబినేషన్‌లో ఎంతో కాలంగా ఎదురుచూస్తున్న చిత్రం అధికారికంగా ప్రకటించబడింది.

జనసేన పార్టీ ప్రధాన కార్యదర్శి రామ్ తాళ్లూరి తన కొత్త బ్యానర్ 'జైత్ర రామ మూవీస్' (Jaithra Rama Movies) పై ప్రొడక్షన్ నెం.1గా ఈ చిత్రాన్ని నిర్మిస్తున్నారు. ప్రముఖ రచయిత వక్కంతం వంశీ ఈ చిత్రానికి కథను అందిస్తున్నారు. కిక్, రేసుగుర్రం వంటి బ్లాక్ బస్టర్ చిత్రాల తర్వాత సురేందర్ రెడ్డి - వక్కంతం వంశీ జోడి మళ్ళీ ఈ సినిమాతో కలుస్తున్నారు.ఇది పవన్ కళ్యాణ్ కెరీర్‌లో 32వ సినిమా (#PSPK32) గా ప్రచారం పొందుతోంది. ఈ సినిమాలో పవన్ కళ్యాణ్ ఒక పవర్‌ఫుల్ మిలిటరీ ఆఫీసర్ లేదా గన్ కల్చర్ నేపథ్యంలో సాగే గ్యాంగ్‌స్టర్ పాత్రలో కనిపిస్తారని సమాచారం.

గతంలోనే ఈ సినిమా గురించి వార్తలు వచ్చినప్పటికీ, పవన్ కళ్యాణ్ రాజకీయ బాధ్యతలు (ఏపీ డిప్యూటీ సీఎం) ఇతర సినిమాల వల్ల ఆలస్యమైంది. తాజాగా 2025లో 'OG', 'హరిహర వీరమల్లు' వంటి షూటింగ్‌లు పూర్తి కావడంతో, 2026లో ఈ ప్రాజెక్ట్‌ను పట్టాలెక్కించడానికి సిద్ధమయ్యారు.పవన్ కళ్యాణ్ నటించిన 'ఉస్తాద్ భగత్ సింగ్' కూడా ఈ ఏడాదిలోనే విడుదలకు సిద్ధంగా ఉంది. హరీష్ శంకర్ దర్శకత్వంలో రూపొందుతున్న ఈ సినిమాపై కూడా భారీ అంచనాలు ఉన్నాయి.