NTR’s Dragon: ప్రస్తుతం జూనియర్ ఎన్టీఆర్ , ప్రశాంత్ నీల్ కాంబినేషన్‌లో వస్తున్న సినిమా వర్కింగ్ టైటిల్ 'డ్రాగన్' ప్రాజెక్ట్, రెండు భాగాలుగా విడుదలయ్యే అవకాశం ఉందని ఇండస్ట్రీ టాక్. ఈ సినిమా కథా విస్తృతి (Scale) , నిడివి (Length) చాలా ఎక్కువగా ఉండటం వలన, మేకర్స్ దీన్ని రెండు పార్టులుగా విడుదల చేయాలని నిర్ణయించుకున్నట్లు తెలుస్తోంది.
మొదట కథ మొత్తం దాదాపు 3 గంటల 40 నిమిషాల నిడివి దాటడంతో, ఒకే భాగంగా విడుదల చేయడం కంటే, రెండు భాగాలుగా విడుదల చేయడమే ఉత్తమమని ఎన్టీఆర్, ప్రశాంత్ నీల్ కలిసి నిర్ణయం తీసుకున్నట్లు సమాచారం.
ప్రశాంత్ నీల్ గతంలో చేసిన 'KGF,'Salaar' సినిమాలకు ఒక్కో పార్టుకు మధ్య కొంత గ్యాప్ వచ్చింది. అయితే, 'డ్రాగన్' విషయంలో రెండు పార్టుల షూటింగ్‌ను ఒకేసారి, నిరంతరాయంగా పూర్తి చేయాలని మేకర్స్ ప్లాన్ చేస్తున్నారట. దీనివల్ల రెండు భాగాల విడుదలకు మధ్య గ్యాప్ తక్కువగా ఉండే అవకాశం ఉంది.
ప్రశాంత్ నీల్ 'KGF' యూనివర్స్, 'Salaar' యూనివర్స్ తర్వాత, ఎన్టీఆర్‌తో కలిసి మరో కొత్త, భారీ సినిమాటిక్ యూనివర్స్‌ను (Cinematic Universe) సృష్టించబోతున్నారని కూడా వార్తలు వస్తున్నాయి. ఈ చిత్రంలో హీరోయిన్‌గా రుక్మిణి వసంత్ నటిస్తుందని తెలుస్తోంది. ఈ సినిమాకు సంబంధించిన అధికారిక ప్రకటన త్వరలో వస్తుందని అభిమానులు ఆసక్తిగా ఎదురుచూస్తున్నారు.
