NTR’s ‘Dragon’: ఎన్టీఆర్ 'డ్రాగన్' .. పుకార్లకు చెక్ పెట్టిన టీమ్!

NTR’s ‘Dragon’: 'దేవర' సినిమాతో బాక్సాఫీస్ వద్ద భారీ విజయాన్ని అందుకున్న గ్లోబల్ స్టార్ జూనియర్ ఎన్టీఆర్, ఇప్పుడు తన తదుపరి చిత్రం 'డ్రాగన్' (Dragon) కోసం సిద్ధమయ్యారు. మాస్ డైరెక్టర్ ప్రశాంత్ నీల్ దర్శకత్వంలో తెరకెక్కుతున్న ఈ సినిమాపై అంచనాలు ఆకాశాన్ని తాకుతున్నాయి. ఇటీవల ఎన్టీఆర్ మరియు ప్రశాంత్ నీల్ మధ్య విభేదాలు వచ్చాయంటూ సోషల్ మీడియాలో వచ్చిన వార్తలకు చెక్ పెడుతూ, ఈ సినిమా షూటింగ్ శరవేగంగా సాగుతోంది.

రామోజీ ఫిల్మ్ సిటీలో కొత్త షెడ్యూల్ ఈ సినిమా తాజా షూటింగ్ షెడ్యూల్ డిసెంబర్ 13న హైదరాబాద్‌లోని రామోజీ ఫిల్మ్ సిటీలో ప్రారంభమైంది. ఇందుకోసం ప్రత్యేకంగా నిర్మించిన భారీ సెట్‌లో కీలక సన్నివేశాలను చిత్రీకరిస్తున్నారు. ప్రశాంత్ నీల్ మార్క్ హై-వోల్టేజ్ యాక్షన్ ఎపిసోడ్స్ ఈ షెడ్యూల్‌లో ప్రధాన ఆకర్షణగా నిలవనున్నాయి. ఈ షూటింగ్ సుమారు రెండు నుంచి మూడు నెలల పాటు సుదీర్ఘంగా సాగే అవకాశం ఉంది.

కాజోల్ వార్తల్లో నిజం లేదు గత కొన్ని వారాలుగా ఈ చిత్రంలో బాలీవుడ్ నటి కాజోల్, ఎన్టీఆర్ తల్లి పాత్రలో నటిస్తున్నారంటూ వార్తలు హల్చల్ చేశాయి. అయితే, ఈ వార్తలను చిత్ర యూనిట్ తీవ్రంగా ఖండించింది. "మా సినిమాకు కాజోల్‌కు ఎలాంటి సంబంధం లేదు" అని స్పష్టం చేస్తూ పుకార్లకు ముగింపు పలికారు. అలాగే, ఈ సినిమాలో ఎన్టీఆర్ కోసం ఒక స్పెషల్ సాంగ్ ప్లాన్ చేస్తున్నారని, అందులో ఓ టాప్ హీరోయిన్ మెరవనుందని సమాచారం.

కొత్త లుక్‌లో ఎన్టీఆర్ ఈ సినిమా కోసం జూనియర్ ఎన్టీఆర్ తన బాడీ ట్రాన్స్‌ఫార్మేషన్‌పై ప్రత్యేక దృష్టి సారించారు. రగ్గడ్, పవర్‌ఫుల్ లుక్ కోసం ఆయన కండలు పెంచి, సరికొత్త అవతారంలో కనిపించనున్నారు. ఎన్టీఆర్ ఆర్ట్స్ , మైత్రీ మూవీ మేకర్స్ సంయుక్తంగా నిర్మిస్తున్న ఈ భారీ బడ్జెట్ చిత్రానికి రవి బస్రూర్ సంగీతం అందిస్తున్నారు. ఇందులో రుక్మిణి వసంత్ కథానాయికగా నటిస్తోంది.