Original Monster 'గా శివన్న.. రక్తంతో తడిసిన ఫస్ట్ లుక్ అదిరిపోయింది!
డాక్టర్ శివరాజ్కుమార్ను ఇంత వైల్డ్గా ఎప్పుడూ చూడలేదంటున్న ఫ్యాన్స్.. ఆర్. చంద్రు 'ఒరిజినల్ మాన్స్టర్' ఫస్ట్ పోస్టర్, మోషన్ పోస్టర్ విడుదల
కన్నడ స్టార్ హీరో, పాన్ ఇండియా సూపర్స్టార్ డాక్టర్ శివరాజ్కుమార్ మరో పవర్ఫుల్ అవతార్లో ప్రేక్షకుల ముందుకు రాబోతున్నారు. దర్శకుడు ఆర్. చంద్రు తెరకెక్కిస్తున్న ప్రతిష్ఠాత్మక చిత్రం 'ఒరిజినల్ మాన్స్టర్ (OM)'. తాజాగా ఈ సినిమాకు సంబంధించిన ఫస్ట్ పోస్టర్, మోషన్ పోస్టర్ను చిత్రబృందం విడుదల చేసింది. ఈ పోస్టర్లో శివరాజ్కుమార్ కనిపించిన తీరు సినిమాపై అంచనాలను మరింత పెంచుతోంది.
రగ్డ్ లుక్లో శివన్న..
ఫస్ట్ లుక్లో శివరాజ్కుమార్ను గతంలో ఎన్నడూ చూడని విధంగా రగ్డ్, ఫియర్స్ లుక్లో చూపించారు. రక్తం, విధ్వంసం, గందరగోళం మధ్య నిలబడి ఉన్న ఆయన పాత్రలోని వైల్డ్నెస్ పోస్టర్లో స్పష్టంగా కనిపిస్తోంది. పవర్ఫుల్ స్క్రీన్ ప్రెజెన్స్తో శివన్న ఈసారి ఓ డార్క్ అండ్ ఇంటెన్స్ క్యారెక్టర్లో కనిపించబోతున్నారనే విషయం ఫస్ట్ గ్లింప్స్తోనే అర్థమవుతోంది.
'ఒరిజినల్ మాన్స్టర్' అనే టైటిల్కు తగ్గట్టుగానే సినిమాలో హీరో పాత్రను భారీ స్థాయిలో డిజైన్ చేసినట్లు తెలుస్తోంది. యాక్షన్, ఎమోషన్, రా ఇంటెన్సిటీతో కూడిన ఓ ప్రత్యేకమైన ప్రపంచాన్ని దర్శకుడు ఆర్. చంద్రు ప్రేక్షకుల ముందుకు తీసుకురాబోతున్నారు.
శివరాజ్కుమార్కు ఇదో డిఫరెంట్ అవతార్
సినిమా గురించి దర్శకుడు ఆర్. చంద్రు మాట్లాడుతూ.. 'ఒరిజినల్ మాన్స్టర్'ను ఒక ప్రత్యేకమైన రా నెస్, భారీ స్కేల్, ఇంటెన్సిటీతో రూపొందిస్తున్నామని తెలిపారు. ఈ పాత్రకు అపారమైన స్క్రీన్ ప్రెజెన్స్, పవర్తో పాటు ఎన్నో లేయర్లను చూపించగల నటుడు అవసరమని, అందుకే శివరాజ్కుమార్ను ఎంపిక చేసినట్లు చెప్పారు. ఇది కేవలం మరో యాక్షన్ సినిమా కాదని, ఎంతో ప్యాషన్తో సృష్టిస్తున్న ఒక ప్రత్యేకమైన ప్రపంచమని వెల్లడించారు.
శివన్న ఏమంటున్నారంటే..
హీరో శివరాజ్కుమార్ మాట్లాడుతూ.. ఆర్. చంద్రు 'ఒరిజినల్ మాన్స్టర్' కథ చెప్పిన క్షణంలోనే పాత్రలోని ఎనర్జీ, ప్రత్యేకత తనకు అర్థమైందన్నారు. ఈ క్యారెక్టర్ చాలా ఇంటెన్స్గా, పవర్ఫుల్గా ఉంటుందని, తాను ఇంతకుముందు చేసిన పాత్రలకు పూర్తిగా భిన్నంగా ఉంటుందని తెలిపారు.
ప్రతి సినిమా నటుడిగా కొత్తదాన్ని అన్వేషించే అవకాశం ఇస్తుందని, 'OM' తనకు ఎంతో ఆసక్తికరమైన జర్నీగా మారిందని శివరాజ్కుమార్ పేర్కొన్నారు. ఈ కొత్త అవతార్ను ప్రేక్షకులు ఆదరిస్తారని ఆశిస్తున్నట్లు చెప్పారు.
భారీ అంచనాలతో 'ఒరిజినల్ మాన్స్టర్'
ప్రముఖ నిర్మాత, ప్రజెంటర్ ఆనంద్ పండిట్ మాట్లాడుతూ.. 'ఒరిజినల్ మాన్స్టర్'ను భారీ విజన్తో రూపొందిస్తున్న సినిమా అని తెలిపారు. శివరాజ్కుమార్కు ఉన్న అద్భుతమైన ఫ్యాన్ ఫాలోయింగ్ నేపథ్యంలో ఆయనను ఇలాంటి ఫియర్స్ అవతార్లో చూడటం ఎంతో ఆసక్తికరంగా ఉందన్నారు. దర్శకుడు ఆర్. చంద్రుకు ఈ సినిమాపై స్పష్టమైన విజన్ ఉందని, భారీ స్కేల్, ఇంటెన్సిటీ, విభిన్నమైన సినిమాటిక్ ఎక్స్పీరియన్స్ను ఈ చిత్రం అందిస్తుందని ధీమా వ్యక్తం చేశారు.
ఆర్సీ స్టూడియోస్ నిర్మాణంలో..
'ఒరిజినల్ మాన్స్టర్ (OM)' ఆర్సీ స్టూడియోస్ బ్యానర్పై తెరకెక్కుతోంది. ఆర్. చంద్రు దర్శకత్వం వహిస్తున్న ఈ చిత్రంలో పాన్ ఇండియా సూపర్స్టార్, శాండల్వుడ్ కింగ్ డాక్టర్ శివరాజ్కుమార్ 'ఒరిజినల్ మాన్స్టర్'గా నటిస్తున్నారు. యమునా చంద్రు ఈ చిత్రాన్ని నిర్మిస్తుండగా, ప్రముఖ నిర్మాత ఆనంద్ పండిట్ ప్రజెంట్ చేస్తున్నారు.
ఫస్ట్ పోస్టర్, మోషన్ పోస్టర్తోనే సినిమాపై భారీ హైప్ క్రియేట్ చేసిన చిత్రబృందం.. ఇప్పుడు 'మాన్స్టర్'గా శివన్న ఎలాంటి విధ్వంసం సృష్టించబోతున్నారనే ఆసక్తిని ప్రేక్షకుల్లో పెంచింది. మరి ఈ కొత్త అవతార్తో శివరాజ్కుమార్ ఎలాంటి సంచలనం సృష్టిస్తారో చూడాలి.
