Kalki 2898 AD 2: ఇండియన్ సినిమా హిస్టరీలోనే ఒక విజువల్ వండర్గా నిలిచిన ‘కల్కి 2898 AD’ సృష్టించిన ప్రభంజనం మనందరికీ తెలిసిందే. రెబల్ స్టార్ ప్రభాస్ హీరోగా, దర్శకుడు నాగ్ అశ్విన్ తీర్చిదిద్దిన ఈ సోషియో-ఫాంటసీ వరల్డ్.. బాక్సాఫీస్ వద్ద కలెక్షన్ల వర్షం కురిపించింది. ఇప్పుడు అందరి దృష్టి ‘కల్కి - పార్ట్ 2’ మీద ఉంది. అయితే, ఈ సీక్వెల్కు సంబంధించి ఒక క్రేజీ అప్డేట్ ఇప్పుడు సోషల్ మీడియాలో వైరల్ అవుతోంది.
‘శివ’, ‘సత్య’ వంటి చిత్రాలతో తనకంటూ ఒక ప్రత్యేక గుర్తింపు తెచ్చుకున్న జేడీ చక్రవర్తి.. చాలా కాలం తర్వాత ఒక భారీ బడ్జెట్ సినిమాలో కీలక పాత్ర పోషించబోతున్నారనే ప్రచారం గట్టిగా సాగుతోంది. నాగ్ అశ్విన్ క్రియేట్ చేసిన ఈ ఫ్యూచరిస్టిక్ ప్రపంచంలో.. జేడీ చక్రవర్తి పాత్ర ఎలా ఉండబోతోంది? ఆయన నెగటివ్ షేడ్స్ ఉన్న పాత్రలో కనిపిస్తారా? లేక కాంప్లెక్స్ అయిన ఒక సైంటిస్ట్ లేదా ఒక గిరిజన నాయకుడి పాత్రలో కనిపిస్తారా? అన్నది ఇప్పుడు సస్పెన్స్గా మారింది.
నిజానికి, జేడీ చక్రవర్తి నటనలో ఒక రకమైన ఇంటెన్సిటీ ఉంటుంది. కల్కి వంటి డార్క్ థీమ్ ఉన్న సినిమాలకు ఆయన వాయిస్, బాడీ లాంగ్వేజ్ పర్ఫెక్ట్గా సెట్ అవుతాయని ఫ్యాన్స్ భావిస్తున్నారు. ఇప్పటికే కమల్ హాసన్ ‘సుప్రీమ్ యాస్కిన్’గా భయపెడుతుంటే.. ఆయన టీమ్లో మరో పవర్ఫుల్ మెంబర్గా జేడీ కనిపిస్తే సినిమా నెక్స్ట్ లెవల్లో ఉంటుందని విశ్లేషకులు అంచనా వేస్తున్నారు.
అయితే, దీనిపై చిత్ర యూనిట్ నుంచి ఇంకా అధికారిక ప్రకటన రావాల్సి ఉంది. ఒకవేళ ఈ వార్తే నిజమైతే.. ప్రభాస్, అమితాబ్ బచ్చన్, కమల్ హాసన్ వంటి దిగ్గజాల సరసన జేడీ చక్రవర్తిని చూడటం అభిమానులకు నిజంగా ఒక ఐ-ఫీస్ట్ అని చెప్పాలి.
