Poonam Kaur: నటి పూనమ్ కౌర్ మరోసారి తన సోషల్ మీడియా పోస్ట్తో టాలీవుడ్లో కలకలం సృష్టించారు. దర్శకుడు రాజ్ నిడిమోరును స్టార్ హీరోయిన్ సమంత నిన్న వివాహం చేసుకున్న నేపథ్యంలో పూనమ్ చేసిన ఓ ట్వీట్ ఇప్పుడు ఇండస్ట్రీలో, నెటిజన్ల మధ్య తీవ్ర చర్చనీయాంశంగా మారింది. పేరు ప్రస్తావించనప్పటికీ, ఈ వ్యాఖ్యలు సమంతను ఉద్దేశించే చేశారని సోషల్ మీడియాలో ప్రచారం ఊపందుకుంది.
పూనమ్ కౌర్ చేసిన సంచలన ట్వీట్
పూనమ్ కౌర్ తన ట్వీట్లో చేసిన వ్యాఖ్యలు తీవ్ర దుమారం రేపుతున్నాయి. "నువ్వు ఇల్లు కట్టుకోవడానికి వేరే వాళ్ల కొంప కూలుస్తావా? ఇది చాలా బాధాకరం. పైగా ఆమె చాలా శక్తిమంతమైనది, చదువుకున్నది, అత్యంత ప్రాధాన్యత ఉన్న వ్యక్తి. బలహీనమైన, నిరాశతో ఉన్న పురుషులను డబ్బు కొనుగోలు చేయగలదు" అని ట్వీట్ చేసింది.
వివాదానికి కారణం: ట్వీట్ టైమింగ్
పూనమ్ కౌర్ చేసిన ఈ ట్వీట్ టైమింగ్ వల్లే ఈ వివాదం రాజుకుంది. సమంత వివాహం చేసుకున్న దర్శకుడు రాజ్ నిడిమోరుకు ఇదివరకే శ్యామలాదేవి అనే మహిళతో వివాహమై, పిల్లలు కూడా ఉన్నారు. సమంతతో సంబంధం కారణంగానే రాజ్ తన మొదటి భార్యకు విడాకులు ఇచ్చారనే ప్రచారం జరుగుతున్న నేపథ్యంలో, పూనమ్ కౌర్ ఈ వ్యాఖ్యలు చేయడం గమనార్హం. దీంతో నెటిజన్లు వెంటనే ఈ ట్వీట్ను సమంత వివాహంతో ముడిపెడుతూ కామెంట్లు చేస్తున్నారు. మొదటి భార్య పరిస్థితి ఏంటి?, సమంత పెళ్లి కోసం మరో కుటుంబం విడిపోయిందా? అంటూ పలువురు సోషల్ మీడియాలో ప్రశ్నలు లేవనెత్తుతున్నారు.
