Producer Rajeev Reddy: ఘాటి' సినిమా నిర్మాత రాజీవ్ రెడ్డి నటి అనుష్క శెట్టి గురించి అనేక ఆసక్తికర వ్యాఖ్యలు చేశారు. ముఖ్యంగా అనుష్కకు ఉన్న స్టార్‌డమ్, ఆమెకున్న ప్రజాదరణ గురించి ప్రస్తావించారు.
అనుష్కకు దేశవ్యాప్తంగా అసాధారణమైన స్టార్‌డమ్ ఉందని నిర్మాత రాజీవ్ రెడ్డి అన్నారు. "ఇప్పుడున్న స్టార్స్‌లో అనుష్క గారికి ఆ స్థాయి స్టార్‌డమ్ ఉంది అని ఆయన అన్నారు. 'ఘాటి' సినిమా షూటింగ్ ఒడిషాలో ఒక మారుమూల గ్రామంలో జరిగినప్పుడు, అనుష్కను చూడటానికి వేలాది మంది అభిమానులు వచ్చారని, ఆ జన సమూహాన్ని నియంత్రించడానికి పోలీసులు రెండు మూడు సార్లు లాఠీచార్జ్ చేయాల్సి వచ్చిందని తెలిపారు. ఇలాంటి మారుమూల ప్రాంతంలోనే ఆమెకు ఈ స్థాయి క్రేజ్ ఉంటే, ఇతర ప్రాంతాల్లో ఎలా ఉంటుందో ఊహించుకోవచ్చని ఆయన అన్నారు.
'ఘాటి' సినిమా ఒక కమర్షియల్ యాక్షన్ డ్రామా అని, అనుష్క పాత్ర చాలా శక్తివంతంగా ఉంటుందని రాజీవ్ రెడ్డి అన్నారు. 'కర్తవ్యం' సినిమా తర్వాత ఆ స్థాయిలో ఒక హీరోయిన్ ప్రధాన పాత్రలో ఇంత పెద్ద సినిమా రాలేదని ఆయన అభిప్రాయపడ్డారు. అనుష్క నటన ఈ సినిమాలో నెక్స్ట్ లెవెల్‌లో ఉంటుందని, ఆమె నటన ప్రేక్షకులకు గొప్ప థియేట్రికల్ అనుభవాన్ని ఇస్తుందని ఆయన అన్నారు
దర్శకుడు క్రిష్, అనుష్కతో ఒక ప్రాజెక్ట్ చేయాలనుకున్నప్పుడు 'ఘాటి' సినిమా ఆలోచన వచ్చిందని రాజీవ్ రెడ్డి తెలిపారు. ఇది 'వేదం' తర్వాత క్రిష్ -అనుష్క కాంబినేషన్‌లో వస్తున్న రెండో సినిమా అని, వీరిద్దరి కాంబినేషన్ ప్రేక్షకులను అలరిస్తుందని నమ్మకం వ్యక్తం చేశారు. మొదట ఈ కథను వెబ్ సిరీస్‌గా చేయాలా, సినిమాగా చేయాలా అని చర్చించుకున్నామని, అయితే అనుష్క అంగీకరించిన తర్వాత దానిని ఒక భారీ చిత్రంగా నిర్మించామని ఆయన వివరించారు.
