Raja Saab Roars at the Box Office: రాజాసాబ్ బాక్సాఫీస్ వీరవిహారం.. నెగెటివ్ టాక్ను దాటుకుని ప్రభాస్ వసూళ్ల ప్రభంజనం
నెగెటివ్ టాక్ను దాటుకుని ప్రభాస్ వసూళ్ల ప్రభంజనం
Raja Saab Roars at the Box Office: బాహుబలి చిత్రంతో భారతీయ చలనచిత్ర స్థాయిని ప్రపంచవ్యాప్తం చేసిన రెబల్ స్టార్ ప్రభాస్, ప్రస్తుతం బాక్సాఫీస్ వద్ద తన సత్తా చాటుతున్నారు. మారుతి దర్శకత్వంలో హారర్-కామెడీ ఫాంటసీ నేపథ్యంలో తెరకెక్కిన ది రాజాసాబ్ చిత్రం సంక్రాంతి బరిలో నిలిచి భారీ వసూళ్లను రాబడుతోంది. జనవరి 9న విడుదలైన ఈ మూవీకి.. మిశ్రమ స్పందన వచ్చినప్పటికీ కలెక్షన్ల పరంగా మాత్రం రికార్డులు సృష్టిస్తోంది.
తొలి వీకెండ్ వసూళ్లు ఇవే
ప్రభాస్ క్రేజ్ ముందు నెగెటివ్ టాక్ నిలవలేకపోయింది. ట్రేడ్ వర్గాల సమాచారం ప్రకారం ఈ చిత్రం సాధించిన గణాంకాలు ఆశ్చర్యపరుస్తున్నాయి. తొలి రోజు ప్రపంచవ్యాప్తంగా ఏకంగా రూ. 112 కోట్ల గ్రాస్ వసూలు చేసి ప్రభాస్ స్టామినాను నిరూపించింది. మూడు రోజులు ముగిసేసరికి ఈ చిత్రం మొత్తం రూ. 183 కోట్ల గ్రాస్ కలెక్షన్లను తన ఖాతాలో వేసుకుంది.
మైండ్ గేమ్తో ఆకట్టుకున్న ప్రభాస్
చాలెంజింగ్ స్టోరీ లైన్, ప్రభాస్ వింటేజ్ లుక్స్, కామెడీ టైమింగ్ అభిమానులను అలరిస్తున్నాయి. సినిమాలో కొన్ని లోపాలు ఉన్నాయని సోషల్ మీడియాలో టాక్ వచ్చినప్పటికీ, థియేటర్ల దగ్గర మాత్రం జనాలు క్యూ కడుతున్నారు. ప్రభాస్ మార్కెట్ రేంజ్ ఎంత పెరిగిందో ఈ వసూళ్లే నిదర్శనంగా నిలుస్తున్నాయి.
సంక్రాంతి సెలవులు కలిసి వచ్చేనా?
ప్రస్తుతం తెలుగు రాష్ట్రాల్లో సంక్రాంతి పండుగ సెలవులు ప్రారంభం కావడంతో ది రాజాసాబ్ వసూళ్ల జోరు మరింత పెరిగే అవకాశం ఉంది. రాబోయే వారం రోజుల్లో ఈ చిత్రం భారీ వసూళ్లను సాధించి, ప్రభాస్ కెరీర్లో మరో బిగ్గెస్ట్ హిట్ గా నిలుస్తుందని ట్రేడ్ అనలిస్టులు అంచనా వేస్తున్నారు. మారుతి మార్క్ కామెడీ, ప్రభాస్ స్క్రీన్ ప్రెజెన్స్ వెరసి 'రాజాసాబ్' బాక్సాఫీస్ వద్ద గట్టిగానే సందడి చేస్తోంది. లాంగ్ రన్లో ఈ సినిమా ఎన్ని కోట్ల మార్కును దాటుతుందో చూడాలి.
