Ranbir Kapoor: దసరా వేడుకల్లో వ్యాఖ్యలపై వివాదం.. క్షమాపణలు చెప్పిన రణ్బీర్ కపూర్
రణ్బీర్ కపూర్
Ranbir Kapoor: కోల్‌కతాలో నిర్వహించిన దసరా వేడుకల్లో తాను మాట్లాడిన తీరుపై తలెత్తిన వివాదంపై బాలీవుడ్ హీరో రణ్బీర్ కపూర్ స్పందించారు. వేదికపై మాట్లాడే క్రమంలో అనుకోకుండా నోరు జారానని స్పష్టం చేస్తూ, తన వ్యాఖ్యలకు ఆయన క్షమాపణలు తెలిపారు. రామాయణ చిత్ర ప్రమోషన్లలో భాగంగా అక్టోబర్ 20న కోల్‌కతాలో జరిగిన దసరా కార్యక్రమంలో రణ్బీర్ పాల్గొన్నారు. పండుగ విశిష్టతను వివరిస్తూ చెడుపై మంచి విజయం సాధిస్తుందనే అంశాన్ని ప్రస్తావించే క్రమంలో, ఆయన పొరపాటున మంచి మరియు నిజాయతీ అంతమవుతాయనే భావన వచ్చేలా మాట్లాడారు. ఈ వీడియో సోషల్ మీడియాలో వైరల్ కావడంతో నెటిజన్ల నుంచి తీవ్ర విమర్శలు వ్యక్తమయ్యాయి.
రణ్బీర్ వివరణ
ఈ వివాదంపై స్పందించిన రణ్బీర్.. తన ఉద్దేశం అది కాదని క్లారిటీ ఇచ్చారు. ‘‘ఉద్దేశపూర్వకంగా నేను ఆ వ్యాఖ్యలు చేయలేదు, మాట్లాడే తొందరలో జరిగిన పొరపాటు మాత్రమే. చెడు ఎంత శక్తిమంతంగా కనిపించినా, అంతిమంగా మంచే గెలుస్తుందనే భావనను వ్యక్తపరచాలని అనుకున్నాను. నా మాటలను తప్పుగా అర్థం చేసుకోవద్దు’’ అని వివరిస్తూ విచారం వ్యక్తం చేశారు.
