Samantha: సమంతకు మాతృత్వ శుభాకాంక్షలు.. తొలి బిడ్డ రాకపై రాజ్ సోదరి శీతల్ ఎమోషనల్ పోస్ట్
శీతల్ ఎమోషనల్ పోస్ట్

Samantha: నటి సమంత రూత్ ప్రభు, భర్త దర్శకుడు రాజ్ నిడిమోరు జీవితంలో మరో మధురమైన ఘట్టం చోటుచేసుకుంది. తమ తొలి బిడ్డ రాకకు ముందు సంప్రదాయబద్ధంగా ‘మాతృ శిశు మంగళ ఆశీర్వాదం’ వేడుకను ఘనంగా నిర్వహించారు. ఈ శుభకార్యం విశేషాలను రాజ్ సోదరి శీతల్ నిడిమోరు సోషల్ మీడియా వేదికగా ఫోటోలు, వీడియోలతో పంచుకున్నారు.
ప్రస్తుతం థర్డ్ ట్రైమెస్టర్లో ఉన్న సమంత ఎరుపు రంగు అనార్కలీ సూట్లో కనిపించగా, రాజ్ లైట్ క్రీమ్ కలర్ కుర్తాలో పూజల్లో పాల్గొన్నారు. కుటుంబ సభ్యులు, పెద్దమ్మలు, పిన్నమ్మలు దూర ప్రాంతాల నుంచి ప్రయాణించి వచ్చి సమంతను, పుట్టబోయే బిడ్డను ఆశీర్వదించారు. పెద్దలు చేతులు తలపై పెట్టి ఆశీస్సులు అందించిన దృశ్యాలు హృదయాన్ని తాకాయి.
శీతల్ తన పోస్ట్లో తమ కుటుంబ సంప్రదాయాలను గుర్తుచేసుకున్నారు. చిన్నప్పటి నుంచి పూజలు, భజనలు నిత్యజీవితంలో భాగమని, బంధువులంతా ఒకచోట చేరి ఆధ్యాత్మిక వేడుకలు జరుపుకుంటామని పేర్కొన్నారు. ఇప్పుడు ఆ అనురాగం సమంతకు, ఆమె పుట్టబోయే బిడ్డకు కూడా దక్కిందని భావోద్వేగంగా రాశారు.
వేడుకలో శ్రీ సూక్తం పఠనం, గాయత్రీ దేవి హోమం నిర్వహించారు. గాయత్రీ మంత్రాన్ని 21 సార్లు జపించినట్లు శీతల్ వెల్లడించారు. ఈ సందర్భంగా పద్మశ్రీ శోభా రాజు సమంత, పుట్టబోయే బిడ్డ కోసం ప్రత్యేకంగా ఓ పాటను రూపొందించారు. శీతల్ ఆ పాటను పాడగా, విదుషి సుమిత్ర గుహ రాగాలు జోడించి, ఇతర బంధువులు కోరస్గా పాల్గొన్నారు. ఇది కుటుంబీకులు స్వయంగా సిద్ధం చేసిన మధురమైన ఫ్యామిలీ ప్రొడక్షన్గా మారింది.
‘బుజ్జాయి.. నువ్వు ఈ లోకంలోకి రాకముందే ఎంత ప్రేమను ఒక చోట చేర్చావో చూడు’ అంటూ పుట్టబోయే బిడ్డను ఉద్దేశించి శీతల్ భావోద్వేగంగా రాశారు. సమంతకు సుఖ ప్రసవం జరగాలని, తల్లీబిడ్డ ఆరోగ్యంగా ఉండాలని, బిడ్డకు దయ, సంస్కారం, లక్ష్యం ఉన్న జీవితం లభించాలని కోరుకున్నారు. వేడుకను నిర్వహించినందుకు అందరికీ కృతజ్ఞతలు తెలిపారు.
గత సెప్టెంబరులో ఈశా యోగా సెంటర్లో సీమంతం జరిగిన తర్వాత ఇది రెండో ఆశీర్వాద కార్యక్రమం. జూన్ 2026లో గర్భం ధరించిన విషయాన్ని సమంత ప్రకటించిన నేపథ్యంలో డిసెంబర్లో బిడ్డ రాక ఆశించబడుతోంది. కుటుంబ ఆప్యాయత, సంప్రదాయం, భక్తి కలిసిన ఈ వేడుక సమంత-రాజ్ జంటకు శుభాకాంక్షలతో నిండిపోయింది. అభిమానులు కూడా సోషల్ మీడియాలో శుభాకాంక్షలు వ్యక్తం చేస్తున్నారు.

