Samantha’s ‘Maa Inti Bangaram’: బాక్సాఫీస్ బరిలో సమంత మా ఇంటి బంగారం

Samantha’s ‘Maa Inti Bangaram’: స్టార్ హీరోయిన్ సమంత రూత్ ప్రభు లీడ్ రోల్‌లో నటిస్తున్న మోస్ట్ అవేటెడ్ మూవీ "మా ఇంటి బంగారం". నందిని రెడ్డి దర్శకత్వంలో, రాజ్ అండ్ డికె (రాజ్ నిడిమోరు) షోరన్నర్‌గా వ్యవహరిస్తున్న ఈ సినిమాతో సమంత గ్రాండ్ కమ్‌బ్యాక్‌కు సిద్ధమవుతోంది. ఇటీవలే విడుదలైన ఈ చిత్ర ట్రైలర్‌కు ప్రేక్షకుల నుండి అద్భుతమైన రెస్పాన్స్ వచ్చింది. చీరకట్టులో సరికొత్త అవతారంలో కనిపిస్తూనే.. ఫ్యామిలీ డ్రామాకు యాక్షన్ ఎలిమెంట్స్ జోడించి సమంత చేసిన ఫైట్స్ అభిమానుల్లో అంచనాలను భారీగా పెంచేశాయి. ఈ క్రేజీ ప్రాజెక్ట్ జూన్ 19న ప్రపంచవ్యాప్తంగా థియేటర్లలోకి రానుంది. అయితే, ఈసారి బాక్సాఫీస్ వద్ద సమంత ఒంటరిగా ఏమీ రావడం లేదు, ఆమెకు గట్టి పోటీనే ఎదురుకాబోతోంది.

పోటీలో ఉన్న చిత్రాలు ఇవే:

ట్రాన్స్‌ఫర్ త్రిమూర్తులు: 90ల కాలంలో మంచి గుర్తింపు తెచ్చుకున్న సీనియర్ నటుడు వడ్డే నవీన్ చాలా కాలం తర్వాత ఈ సినిమాతో రీఎంట్రీ ఇస్తున్నారు. విశేషం ఏంటంటే, ఈ చిత్రం కూడా జూన్ 19నే విడుదల కానుంది.

దీవానా: గతంలో సమంత సపోర్ట్ చేసిన 'శుభం' చిత్రంలో నటించిన హర్షిత్ రెడ్డి హీరోగా నటిస్తున్న చిత్రం ఇది. ఇది కూడా అదే రోజున రిలీజ్ రేసులో ఉంది.

బాలన్: వీటితో పాటు 'బాలన్' అనే డబ్బింగ్ సినిమా కూడా జూన్ 19 లైన్-అప్‌లో చేరే అవకాశం ఉంది.

సమంత క్రేజ్ ముందు ఈ చిన్న సినిమాలు బాక్సాఫీస్ వద్ద పెద్దగా ప్రభావం చూపించకపోవచ్చు కానీ, స్క్రీన్ల కేటాయింపు మరియు ప్రేక్షకుల అటెన్షన్ విషయంలో మాత్రం కొంతవరకు చీలిక తెచ్చే అవకాశం ఉంది. ఏదేమైనప్పటికీ, లాంగ్ గ్యాప్ తర్వాత సమంత తెలుగు తెరపై ఫుల్ లెంగ్త్ రోల్‌లో కనిపిస్తుండటంతో ఈ వీకెండ్‌కు ఆమే బిగ్గెస్ట్ అట్రాక్షన్‌గా నిలవనుంది.