RGV Praises ‘Chikiri Chikiri’: చరణ్ లో హై ఓల్టేజ్ చూశా..చికిరి చికిరిపై ఆర్జీవీ ప్రశంసలు

RGV Praises ‘Chikiri Chikiri’: రామ్ గోపాల్ వర్మ (RGV) మెగా పవర్ స్టార్ రామ్ చరణ్ నటిస్తున్న 'పెద్ది' సినిమాలోని 'చికిరి చికిరి' పాటపై ప్రశంసలు కురిపించారు.చాలా కాలం తర్వాత రామ్ చరణ్‌లో హై ఓల్టేజీని (High Voltage) చూశానన్నారు. 'చికిరి చికిరి' పాటలో చరణ్ రా (Raw) లుక్‌లో, చాలా ఎనర్జిటిక్‌గా (Energetic) కనిపించారని ప్రశంసించారు.సినిమాలోని అన్ని క్రాఫ్ట్‌ల (దర్శకత్వం, సంగీతం, సినిమాటోగ్రఫీ) ముఖ్య ఉద్దేశం హీరోను ఎలివేట్ చేయడమే అని, ఆ కోణంలో చరణ్‌ను గొప్పగా చూపించడంలో దర్శకుడు సక్సెస్ అయ్యారని అన్నారు.

"కుదోస్ బుచ్చిబాబు" అంటూ దర్శకుడు బుచ్చిబాబు సానాపై ప్రశంసలు కురిపించారు. వందలాది డ్యాన్సర్లు, భారీ సెట్లు, ప్రొడక్షన్ డిజైన్‌లపై కాకుండా, హీరో పైనే ప్రేక్షకుల దృష్టి పడేలా చేశారని, ఇది దర్శకుడి గొప్పతనం అని అన్నారు.ఒక స్టార్ తన చుట్టూ మెరుపులు ఉన్నప్పుడు కాకుండా, సహజంగానే ఎక్కువగా ప్రకాశిస్తాడన్న విషయాన్ని బుచ్చిబాబు అర్థం చేసుకున్నారని తెలిపారు.

మొదట్లో, 'పెద్ది' సినిమా గ్లింప్స్ విడుదలైనప్పుడు కూడా ఆర్జీవీ స్పందిస్తూ, ఈ సినిమా 'అసలైన గేమ్ చేంజర్' అవుతుందని, ఏ దర్శకుడూ అర్థం చేసుకోనంతగా రామ్ చరణ్ పవర్‌ను బుచ్చిబాబు అర్థం చేసుకున్నారని ట్వీట్ చేశారు.

రామ్ గోపాల్ వర్మ, మెగా ఫ్యామిలీపై గతంలో వివాదాస్పద వ్యాఖ్యలు చేసినప్పటికీ చిరంజీవికి క్షమాపణలు చెప్పడం.. తాజాగా చరణ్ పై ప్రశంసలు కురిపించడం మెగా అభిమానుల్లో ఆసక్తిని పెంచాయి.