Sharwanand’s Biker: టాలీవుడ్ యంగ్ హీరో శర్వానంద్ నటిస్తున్న తాజా చిత్రం 'బైకర్'. అభిలాష్ రెడ్డి దర్శకత్వంలో యూవీ క్రియేషన్స్ సంస్థ ఈ సినిమాను నిర్మిస్తోంది. ఇప్పటికే ఈ సినిమాపై భారీ అంచనాలు ఉండగా, తాజాగా విడుదలైన ట్రైలర్ ప్రేక్షకులను విపరీతంగా ఆకట్టుకుంటోంది. వేగం మరియు భావోద్వేగాల కలయికగా ఈ సినిమా ఉండబోతుందని ట్రైలర్ స్పష్టం చేస్తోంది.
ట్రైలర్ ఆరంభంలో భారతీయ రేసర్లు అంతర్జాతీయ స్థాయిలో రాణించగలరా అనే ప్రశ్నతో కథ మొదలవుతుంది. హీరో విక్కీ పాత్రలో శర్వానంద్ రేసింగ్ పట్ల అంకితభావంతో, అదే సమయంలో వ్యక్తిగత సంఘర్షణలతో కనిపిస్తాడు. తండ్రికి కొడుకుకు మధ్య ఉండే క్లిష్టమైన బంధమే ఈ కథకు ప్రధాన బలం. తండ్రి పాత్రలో నటించిన రాజశేఖర్ తనదైన నటనతో ఆకట్టుకోగా, కొడుకుగా శర్వానంద్ ఎమోషనల్ సీన్స్లో అద్భుతంగా నటించాడు. కథలో హీరోయిన్ మాళవికా నాయర్ పాత్ర ప్రశాంతతను చేకూర్చగా, అతి పాత్రలో నటించిన అతుల్ కులకర్ణి నెగటివ్ షేడ్స్తో కథకు కొత్త కోణాన్ని ఇచ్చారు.
భారతదేశంలోనే మొదటిసారిగా పూర్తిస్థాయి మోటోక్రాస్ రేసింగ్ నేపథ్యంతో వస్తున్న సినిమా కావడంతో, దీనిపై అందరి దృష్టి ఉంది. యాక్షన్ సన్నివేశాలకు ఏమాత్రం తగ్గకుండా భావోద్వేగాలకు కూడా అంతే ప్రాధాన్యత ఇచ్చినట్లు ట్రైలర్ చూస్తే అర్థమవుతోంది. ఈ సినిమా ఏప్రిల్ మూడవ తేదీన ప్రేక్షకుల ముందుకు రానుంది.
