Malavika’s Interesting Comments: ఆ టాలీవుడ్‌ హీరోనే నా క్రష్.. మాళవిక ఇంట్రెస్టింగ్ కామెంట్స్

Malavika’s Interesting Comments: పాన్ ఇండియా స్టార్ ప్రభాస్ హీరోగా, మారుతి దర్శకత్వంలో రూపొందుతున్న ది రాజా సాబ్ చిత్రం ఈ నెల 9న విడుదల కానుంది. ఈ నేపథ్యంలో చిత్ర హీరోయిన్ మాళవిక మోహనన్ ప్రభాస్ గురించి పంచుకున్న ఆసక్తికర విషయాలు ఇప్పుడు సోషల్ మీడియాలో హాట్ టాపిక్‌గా మారాయి. హారర్ కామెడీ జోనర్‌లో తెరకెక్కుతున్న ఈ సినిమాపై అటు ప్రభాస్ అభిమానుల్లో, ఇటు సినీ వర్గాల్లో భారీ క్రేజ్ నెలకొంది. ప్రమోషన్ల వేగాన్ని పెంచిన చిత్ర యూనిట్, సినిమా విశేషాలను పంచుకుంటోంది. తాజాగా ఈ చిత్రంలో ఒక హీరోయిన్‌గా నటిస్తున్న మాళవిక మోహనన్, ప్రభాస్‌తో తనకున్న అనుబంధం గురించి మనసు విప్పి మాట్లాడారు.

సలార్‌ మిస్ అయినా.. 'ది రాజా సాబ్'తో కల నెరవేరింది!

మాళవిక మోహనన్ తన ఇంటర్వ్యూలో ప్రభాస్‌పై ప్రశంసల వర్షం కురిపించారు. బాహుబలి సినిమా చూసిన క్షణం నుంచే ప్రభాస్ అంటే తనకు విపరీతమైన ఇష్టమని, ఆయనే తన క్రష్ అని ఆమె వెల్లడించారు. గతంలో ప్రభాస్ సరసన సలార్ సినిమాలో నటించే అవకాశం వచ్చినప్పటికీ, కొన్ని కారణాల వల్ల అది చేజారిపోయిందని.. అయితే ఇప్పుడు ది రాజా సాబ్ తో ఆ కల నెరవేరడం విధి అని ఆమె ఆనందం వ్యక్తం చేశారు. సెట్స్‌లో ప్రభాస్ చాలా మర్యాదగా ప్రవర్తిస్తారని, షూటింగ్ సమయంలో తనకు హైదరాబాద్ బిర్యానీ తినిపించి తన పెద్ద మనసును చాటుకున్నారని ఆమె చెప్పుకొచ్చారు.

సంక్రాంతి కానుకగా భారీ విడుదల

ఈ చిత్రంలో మాళవిక మోహనన్‌తో పాటు నిధి అగర్వాల్, రిద్ధి కుమార్ కూడా హీరోయిన్లుగా మెరవనున్నారు. బాలీవుడ్ దిగ్గజ నటులు సంజయ్ దత్, బోమన్ ఇరానీ వంటి వారు ఈ సినిమాలో కీలక పాత్రలు పోషిస్తున్నారు. హారర్ ఎలిమెంట్స్‌కు కామెడీ టచ్ ఇస్తూ మారుతి తీర్చిదిద్దిన ది రాజా సాబ్‌లో ప్రభాస్ వింటేజ్ లుక్స్ ఇప్పటికే వైరల్ అయ్యాయి. మాళవిక చేసిన ఈ తాజా కామెంట్స్‌తో ప్రభాస్ ఫ్యాన్స్ ఫుల్ ఖుషీ అవుతున్నారు.