‘Case of Kondana’: ఈటీవీ విన్‌లో సందడి చేస్తోన్న ఉత్కంఠభరిత క్రైమ్ థ్రిల్లర్ 'కేస్ ఆఫ్ కొండాన'

‘Case of Kondana’: డిజిటల్ వినోదాన్ని ఆస్వాదించే ఓటీటీ ప్రియుల కోసం ప్రముఖ తెలుగు ప్లాట్‌ఫారమ్ 'ఈటీవీ విన్' ఒక సస్పెన్స్ అండ్ యాక్షన్ థ్రిల్లర్‌ను అందుబాటులోకి తెచ్చింది. కన్నడలో విమర్శకుల ప్రశంసలు పొంది, ప్రేక్షకులను విపరీతంగా ఆకట్టుకున్న 'కేస్ ఆఫ్ కొండాన' (Case of Kondana) చిత్రం ఇప్పుడు తెలుగులోకి అనువాదమై ‘ఈటీవీ విన్’లో ప్రసారమవుతోంది. పోలీస్ బ్యాక్‌డ్రాప్‌లో సాగే కథలు, క్రైమ్ ఇన్వెస్టిగేషన్ థ్రిల్లర్లను ఇష్టపడే సీనిమా అభిమానులకు ఈ చిత్రం ఒక మంచి ఛాయిస్‌గా నిలుస్తోంది.

ఈ సినిమా కథాంశం విషయానికి వస్తే.. కొండాన అనే ప్రాంతంలో ఒకే రాత్రి వ్యవధిలో జరిగే రెండు వేర్వేరు సంచలనాత్మక ఘటనల చుట్టూ కథ తిరుగుతుంది. కొత్తగా విధుల్లో చేరిన ఒక యంగ్ పోలీస్ ఆఫీసర్, అదే సమయంలో ఒక అనుభవజ్ఞుడైన సీనియర్ అధికారి ఎదుర్కొన్న అనూహ్య పరిస్థితులు, వారి జీవితాలను ఎలాంటి మలుపులు తిప్పాయనేది దర్శకుడు ఎంతో ఉత్కంఠభరితంగా తెరకెక్కించారు. ఒక వైపు నేరం వెనుక ఉన్న నిజాలను వెలికితీసే క్రమం, మరోవైపు విధి నిర్వహణలో వచ్చే సవాళ్లు ప్రేక్షకులను సీటు అంచున కూర్చోబెడతాయి.

నటీనటుల ప్రదర్శన విషయానికొస్తే.. ప్రధాన పాత్రలో విజయ్ రాఘవేంద్ర తన నటనతో ఆకట్టుకోగా, సీనియర్ నటి భావన మీనన్ కీలకమైన పోలీస్ ఆఫీసర్ పాత్రలో మెరిసారు. కుషీ రవి నటన కూడా సినిమాకి ప్రత్యేక ఆకర్షణగా నిలిచింది. దర్శకుడు దేవిప్రసాద్ శెట్టి కథనాన్ని నడిపించిన తీరు, ప్రతి సన్నివేశంలో ఉత్కంఠను కాపాడిన విధానం ఆకట్టుకుంటాయి. ఉత్సాహభరితమైన నేపథ్య సంగీతం మరియు నిర్మాణ విలువలు సినిమా మూడ్‌ను ప్రేక్షకులకు చక్కగా రీచ్ అయ్యేలా చేశాయి. సస్పెన్స్, క్రైమ్, పోలీస్ డ్రామాలను ఇష్టపడే వారికి ఈ 'కేస్ ఆఫ్ కొండాన' ఈటీవీ విన్‌లో ఒక బెస్ట్ వీకెండ్ వాచ్‌గా అలరిస్తోంది.