Nani’s Movie: నాని కొత్త చిత్రం 'ది ప్యారడైజ్ దసరా' సినిమా తర్వాత నాని, దర్శకుడు శ్రీకాంత్ ఓదెల కాంబినేషన్లో వస్తున్న ఈ చిత్రంపై భారీ అంచనాలు ఉన్నాయి. ఈ సినిమాలో నాని 'జడల్' అనే పవర్‌ఫుల్ పాత్రలో నటిస్తున్నారు. 'దసరా'లో మాదిరిగానే ఇందులో కూడా నాని లుక్ చాలా భిన్నంగా, మాస్‌గా ఉంటుంది. పోస్టర్లలో ఆయన గుబురు గడ్డం, మీసాలతో, రెండు జడలతో కనిపిస్తున్నారు.
ఈ సినిమాలో సీనియర్ నటుడు మోహన్‌బాబు ఓ కీలక పాత్ర పోషిస్తున్నారని ప్రచారం జరుగుతోంది. దక్ష సినిమా ఫంక్షన్ లో ఈ విషయాన్ని మోహన్‌బాబు కుమార్తె, నటి లక్ష్మీ మంచు స్వయంగా చెప్పారు.మోహన్‌బాబు పాత్ర చాలా శక్తివంతమైనదిగా ఉంటుందని, దాని కోసం ఆయన ఫిజికల్ ఫిట్‌నెస్‌పై చాలా కష్టపడుతున్నారని లక్ష్మీ మంచు తెలిపారు.మోహన్‌బాబు ఈ చిత్రంలో ఎలాంటి పాత్ర పోషిస్తున్నారనేది ప్రస్తుతం సస్పెన్స్ గా ఉంచారు మంచు లక్ష్మీ . అయితే ఆయన గత చిత్రాల మాదిరిగానే ఈ రోల్ కూడా పవర్ఫుల్‌గా ఉంటుందని అభిమానులు భావిస్తున్నారు.
ఈ సినిమా వచ్చే ఏడాది మార్చి 26న విడుదలయ్యే అవకాశం ఉందని, ఇది తెలుగు, తమిళం, హిందీతో పాటు స్పానిష్ భాషలో కూడా విడుదల కానుంది.మోహన్‌బాబు వంటి అనుభవజ్ఞుడైన నటుడు నానితో కలిసి నటించడం సినిమాకి మరింత బలాన్ని చేకూరుస్తుందని అభిమానులు ఆసక్తిగా ఎదురుచూస్తున్నారు.
