Nagarjuna Enters the Sankranti Race: వాసివాడి తస్సాదియ్యా..సంక్రాంతి రేసులో నాగార్జున

Nagarjuna Enters the Sankranti Race: అక్కినేని నాగార్జున అభిమానులకు అన్నపూర్ణ స్టూడియోస్ అదిరిపోయే సంక్రాంతి సర్ప్రైజ్ ఇచ్చింది. సీనియర్ హీరోలకు అచ్చొచ్చిన సంక్రాంతి సీజన్‌ను లక్ష్యంగా చేసుకుని, 2027 రేసులో నాగార్జున నిలవబోతున్నట్లు అధికారికంగా ప్రకటించారు.

ఈ సినిమాకు సంబంధించి విడుదల తేదీని మాత్రమే (జనవరి 15, 2027) ప్రస్తుతానికి బోర్డు ఖరారు చేసింది. అయితే, ఈ ప్రకటనలో ఉపయోగించిన “వాసివాడి తస్సాదియ్యా” అనే డైలాగ్ ఇప్పుడు సోషల్ మీడియాలో హాట్ టాపిక్ అయ్యింది. ఇది నాగార్జున బ్లాక్ బస్టర్ హిట్స్ 'సోగ్గాడే చిన్ని నాయన', 'బంగార్రాజు' సినిమాల్లోని పాపులర్ డైలాగ్. దీనిని బట్టి ఈ ఫ్రాంచైజీలో మూడవ భాగం రాబోతోందని స్పష్టమవుతోంది.

పెద్ద సినిమాలకు సంక్రాంతి అనేది ఒక బంగారు బాతు లాంటిది. 2025లో వెంకటేష్, 2026లో చిరంజీవి సంక్రాంతి బరిలో నిలిచి భారీ విజయాలను అందుకున్నారు. ఇప్పుడు అదే బాటలో నాగార్జున తన మార్క్ ఎంటర్‌టైనర్‌తో 2027లో బాక్సాఫీస్‌పై దండెత్తడానికి సిద్ధమయ్యారు.

నాగార్జున ప్రస్తుతం తన కెరీర్‌లో అత్యంత ప్రతిష్టాత్మకమైన 100వ సినిమా (Nag 100) షూటింగ్‌లో బిజీగా ఉన్నారు. ఒక తమిళ దర్శకుడు తెరకెక్కిస్తున్న ఈ యాక్షన్ ఎంటర్‌టైనర్ పూర్తయిన వెంటనే, 'సోగ్గాడే చిన్ని నాయన' సీక్వెల్ షూటింగ్‌లో ఆయన పాల్గొననున్నారు. ఈ ప్రాజెక్ట్‌కు సంబంధించిన దర్శకుడు ఇతర నటీనటుల వివరాలను త్వరలోనే వెల్లడించనున్నారు.