Victory Venkatesh: అనిల్ రావిపూడి మల్టీస్టారర్ షూటింగ్‌లో జాయిన్ అయిన విక్టరీ వెంకటేష్

Victory Venkatesh: విక్టరీ వెంకటేష్ బ్లాక్‌బస్టర్ దర్శకుడు అనిల్ రావిపూడి కాంబినేషన్‌లో ఐదో ప్రాజెక్ట్ రూపుదిద్దుకుంటున్న సంగతి తెలిసిందే. వీరిద్దరి క్రేజీ కాంబోలో రాబోతున్న ఈ భారీ మల్టీస్టారర్ చిత్రంలో వెంకటేష్‌తో పాటు నందమూరి కల్యాణ్ రామ్, కీర్తి సురేష్, కృతి శెట్టి కీలక పాత్రల్లో నటిస్తున్నారు.

గత నెలలోనే కల్యాణ్ రామ్ మరియు మిగతా నటీనటులపై ఈ సినిమా షూటింగ్ ప్రారంభం కాగా, తాజాగా విక్టరీ వెంకటేష్ కూడా సెట్స్‌లోకి అడుగుపెట్టారు. ఈ షెడ్యూల్ నుండి వెంకటేష్ షూటింగ్‌లో జాయిన్ అయ్యారు. చిన్న చిన్న విరామాలతో రాబోయే ఆరు నెలల పాటు నిరంతరాయంగా ఈ సినిమా సుదీర్ఘ షూటింగ్ షెడ్యూల్‌ను కొనసాగించడానికి చిత్ర యూనిట్ ప్లాన్ చేస్తోంది.

ఈ చిత్రాన్ని ఎలాగైనా సంక్రాంతి 2027 కానుకగా ప్రేక్షకుల ముందుకు తీసుకురావాలని మేకర్స్ గట్టి పట్టుదలతో ఉన్నారు. ఈ డెడ్‌లైన్‌ను దృష్టిలో ఉంచుకునే వెంకటేష్ కూడా ఎలాంటి ఆలస్యం చేయకుండా వెంటనే షూటింగ్‌లో పాల్గొన్నట్లు తెలుస్తోంది.

ఈ ఇంకా పేరు పెట్టని క్రేజీ ప్రాజెక్ట్‌లో వెంకటేష్ సరసన కీర్తి సురేష్ కథానాయికగా నటిస్తోంది. ఇదివరకు వెంకటేష్, అనిల్ రావిపూడి కాంబినేషన్‌లో వచ్చిన ‘F2’, ‘F3’, ‘సంక్రాంతికి వస్తున్నాం’, మరియు ‘మన శంకర వరప్రసాద్ గారు’ (అతిథి పాత్ర) చిత్రాల తర్వాత వీరిద్దరి కాంబోలో వస్తున్న ఐదో చిత్రం కావడంతో టాలీవుడ్‌లో ఈ సినిమాపై భారీ అంచనాలు నెలకొన్నాయి.