Vijay Deverakonda and Rashmika: పేద విద్యార్థులకు కొండంత అండగా విజయ్ దేవరకొండ, రష్మిక

Vijay Deverakonda and Rashmika: రీల్ లైఫ్‌లోనే కాదు.. రియల్ లైఫ్‌లోనూ తాము 'రౌడీస్' కాదని, మంచి మనసున్న మనుషులని నిరూపించుకున్నారు విజయ్ దేవరకొండ , రష్మిక మందన! దేవరకొండ ఫౌండేషన్ ఆధ్వర్యంలో పేద విద్యార్థులకు కొండంత అండగా నిలిచారు.

విజయ్ దేవరకొండ స్వగ్రామమైన తుమ్మన్‌పేట సమీపంలో జరిగిన ఓ కార్యక్రమంలో.. నల్లమల ప్రాంతంలోని 45 ప్రభుత్వ పాఠశాలలకు చెందిన 181 మంది మెరిట్ విద్యార్థులకు స్కాలర్‌షిప్‌లు పంపిణీ చేశారు. రష్మిక మందన, అచ్చంపేట ఎమ్మెల్యే వంశీకృష్ణతో కలిసి విజయ్ స్వయంగా ఈ ప్రోత్సాహకాలను అందించారు.9, 10 తరగతుల్లో ఫస్ట్ వచ్చిన వారికి 10 వేల రూపాయలు, సెకండ్ వచ్చిన వారికి 5 వేల రూపాయల చొప్పున నగదును అందించారు. విద్యాశక్తితోనే ఏదైనా సాధించవచ్చని, భవిష్యత్తులో ఈ కార్యక్రమాన్ని రాష్ట్రవ్యాప్తంగా విస్తరిస్తామని విజయ్ దేవరకొండ ప్రకటించారు.పేద విద్యార్థుల చదువుకు ఆసరాగా నిలిచిన దేవరకొండ ఫౌండేషన్ టీమ్‌కు, విజయ్-రష్మికలకు సెల్యూట్ చేయాల్సిందే.

ఈ సందర్భంగా మాట్లాడిన విజయ్ దేవరకొండ.. ప్రస్తుతం 180 మంది విద్యార్థులకు సహాయం చేస్తున్నామని, భవిష్యత్తులో ఈ కార్యక్రమాన్ని నాగర్కర్నూల్తో పాటు తెలంగాణ వ్యాప్తంగా విస్తరించాలన్నదే తమ లక్ష్యమని వెల్లడించారు. ఈ మెరిట్ జాబితాను సిద్ధం చేయడంలో సహకరించిన పాఠశాలల ప్రిన్సిపాల్స్, ఉపాధ్యాయులందరికీ” ప్రత్యేక కృతజ్ఞతలు అని విజయ్ తెలిపారు. తెలంగాణ వ్యాప్తంగా టాప్ స్టూడెంట్స్ ని ప్రోత్సహిస్తామన్న ప్రకటనపై సోషల్ మీడియాలో విజయ్పై ప్రశంసల వర్షం కురుస్తోంది.