A Time When the Goddess of Fortune Blesses: అదృష్ట దేవత వరించే వేళ: మీ జాతకంలో మహాలక్ష్మి రాజయోగం ఉందా? మీ తలరాత మారిపోవడం ఖాయం..

A Time When the Goddess of Fortune Blesses: జ్యోతిషశాస్త్రం ప్రకారం గ్రహాల కదలికలే మనిషి తలరాతను నిర్ణయిస్తాయి. తొమ్మిది గ్రహాలు ఒక రాశి నుండి మరో రాశికి మారే క్రమంలో అనేక శుభ, అశుభ యోగాలు ఏర్పడుతుంటాయి. అయితే అన్నింటిలోకి అత్యంత శుభకరమైనది, అరుదైనది మహాలక్ష్మి రాజయోగం. ఈ యోగం ఎవరి జాతకంలో ఉంటుందో.. వారికి అష్టైశ్వర్యాలు చేకూరుతాయని వేద పండితులు చెబుతున్నారు.

మహాలక్ష్మి రాజయోగం అంటే ఏమిటి?

లగ్న జాతకంలో చంద్రుడు, కుజుడు కలిసి ఒకే ఇంట్లో ఉన్నప్పుడు ఈ మహాలక్ష్మి రాజయోగం ఏర్పడుతుంది. జ్యోతిష్య పరిభాషలో దీనిని చంద్ర-మంగళ యోగం అని కూడా పిలుస్తారు. ఈ రెండు గ్రహాల సంయోగం సంపదకు, విజయానికి శక్తివంతమైన మూలంగా పరిగణించబడుతుంది.

ఈ యోగం ఎప్పుడు బలంగా ఉంటుంది?

కుజుడు, చంద్రుల కలయిక జాతక చక్రంలోని ఈ స్థానాల్లో ఉంటే రాజయోగ ఫలితాలు మెండుగా ఉంటాయి..

2వ ఇల్లు: ధన స్థానం (ఆర్థిక లాభాలు విపరీతంగా ఉంటాయి)..

9వ ఇల్లు: భాగ్య స్థానం (అదృష్టం వరిస్తుంది).

10వ ఇల్లు: కర్మ స్థానం (వృత్తి, ఉద్యోగాల్లో తిరుగులేని విజయం).

11వ ఇల్లు: లాభ స్థానం (ఆదాయం నిరంతరం పెరుగుతుంది).

లక్ష్మీదేవి అనుగ్రహం ఉంటే కలిగే మార్పులేమిటి?

ఈ రాజయోగం ఉన్న వ్యక్తుల జీవితంలో సానుకూల మార్పులు స్పష్టంగా కనిపిస్తాయి:

తక్కువ శ్రమ - ఎక్కువ ఫలితం: వీరు చేసే చిన్న ప్రయత్నమైనా పెద్ద విజయాన్ని అందుకుంటుంది. జీవితంలో డబ్బుకు కొరత అనేది ఉండదు. వ్యాపారాలు, పెట్టుబడులు, ఉద్యోగాల్లో నిరంతర పురోగతి ఉంటుంది.

ప్రతిష్ట - గౌరవం: సమాజంలో నాయకత్వ లక్షణాలతో రాణిస్తారు. అందరి గౌరవాన్ని, మన్ననలను అందుకుంటారు.

మానసిక ప్రశాంతత: సంపదతో పాటు ఆనందం, శ్రేయస్సు ఎల్లప్పుడూ వెంటే ఉంటాయి.

అదృష్టానికి చిహ్నం

మహాలక్ష్మి రాజయోగం అందరి జాతకాల్లో ఉండదు. ఇది చాలా అరుదైనది కాబట్టి ఈ యోగం ఉన్నవారిని అదృష్టవంతులుగా భావిస్తారు. లక్ష్మీదేవి కృపాకటాక్షాలు ఉండటం వల్ల వీరి జీవితం విలాసవంతంగా.. ఎటువంటి ఆర్థిక ఇబ్బందులు లేకుండా సాగుతుందని వేద జ్యోతిషశాస్త్రం స్పష్టం చేస్తోంది.