Balayya's Mass Rampage: బాలయ్య మాస్ ర్యాంపేజ్.. ‘NBK111’ రిలీజ్ డేట్స్‌పై క్రేజీ బజ్!

Balayya's Mass Rampage: నటసింహం నందమూరి బాలకృష్ణ, మాస్ డైరెక్టర్ గోపీచంద్ మలినేని కాంబినేషన్‌లో వస్తున్న మోస్ట్ అవేటెడ్ యాక్షన్ ఎంటర్‌టైనర్ ‘NBK111’ విడుదల తేదీలకు సంబంధించి ప్రస్తుతం ఇండస్ట్రీ వర్గాల్లో ఒక ఆసక్తికరమైన చర్చ నడుస్తోంది. ప్రస్తుతం ఈ సినిమా షూటింగ్ శరవేగంగా దూసుకుపోతుండటంతో, మేకర్స్ రిలీజ్ విండోస్ పై ఒక స్పష్టతకు వచ్చినట్లు తెలుస్తోంది.

ఫిలిం నగర్ సమాచారం ప్రకారం.. ఈ చిత్రాన్ని ప్రేక్షకుల ముందుకు తీసుకురావడానికి నిర్మాతలు రెండు అనుకూలమైన తేదీలను పరిశీలిస్తున్నారు. అందులో మొదటి ఆప్షన్‌గా దసరా సెలవులను టార్గెట్ చేస్తూ అక్టోబర్ 16ను అనుకుంటుండగా, రెండో ఆప్షన్‌గా డిసెంబర్ 4ను పరిశీలనలో ఉంచినట్లు టాక్ వినిపిస్తోంది. రాబోయే కొద్ది వారాల్లోనే ఈ చిత్ర అధికారిక విడుదల తేదీపై మేకర్స్ నుండి ఒక అనౌన్స్‌మెంట్ వచ్చే అవకాశం ఉంది.

గతంలో వీరిద్దరి కలయికలో వచ్చిన ‘వీరసింహారెడ్డి’ బాక్సాఫీస్ వద్ద భారీ బ్లాక్‌బస్టర్‌గా నిలవడంతో, ఈ క్రేజీ కాంబోపై అంచనాలు ఆకాశాన్ని తాకుతున్నాయి. ఇప్పుడు మరోసారి ఈ ఇద్దరూ కలిసి ఒక పవర్‌ఫుల్ కమర్షియల్ ఎంటర్‌టైనర్‌తో థియేటర్లలో మాస్ పూనకాలు తెప్పించడానికి సిద్ధమవుతున్నారు.