Parents' Photos at Home After Their Death: తల్లిదండ్రులు మరణించిన తరువాత వారి ఫోటోలు ఇంట్లో ఉంచుకోవచ్చా?

Parents' Photos at Home After Their Death: తల్లిదండ్రులు లేదా పూర్వీకులు మరణించిన తరువాత వారి ఫోటోలను ఇంట్లో ఉంచుకోవడం గురించి ధర్మశాస్త్రం, వాస్తుశాస్త్రం కొన్ని నియమాలను తెలియజేస్తున్నాయి. సాధారణంగా వారి ఫోటోలను ఉంచుకోవచ్చు, కానీ కొన్ని నియమాలు పాటించాలి.వాస్తు శాస్త్రం ప్రకారం, మరణించిన వారి ఫోటోలను ఉంచడానికి దక్షిణ దిశ లేదా నైరుతి దిశ గోడ మంచిదని చెబుతారు. దక్షిణ దిశను యమధర్మరాజుకు, పితృదేవతలకు సంబంధించినదిగా భావిస్తారు. ఫోటోను దక్షిణ దిశ గోడకు పెట్టినప్పుడు, అందులోని వ్యక్తి ముఖం ఉత్తరం వైపు చూస్తున్నట్లుగా ఉంటుంది. ఇలా ఉంచడం వల్ల కుటుంబ సభ్యులకు వారి ఆశీస్సులు లభిస్తాయని నమ్ముతారు. పూర్వీకుల ఫోటోలను నేరుగా గోడకు వేలాడదీయడం కంటే, చెక్క స్టాండ్‌పై ఉంచడం లేదా లివింగ్ రూమ్‌లోని దక్షిణ లేదా నైరుతి గోడపై ఉంచడం మంచిది.

​మరణించిన వారి ఫోటోలను కింద పేర్కొన్న ప్రదేశాలలో ఉంచకూడదని వాస్తు నిపుణులు సూచిస్తున్నారు. చనిపోయిన వారి ఫోటోలను పూజా మందిరంలో లేదా దేవుడి విగ్రహాలు/ఫోటోల పక్కన ఉంచకూడదు. ఎందుకంటే దేవుళ్లను పూజించే స్థలంలో మానవ రూపాలను ఉంచడం సరికాదని భావిస్తారు.​బెడ్‌రూమ్ లేదా వంటగది ఈ ప్రదేశాలలో ఉంచడం వల్ల ఇంట్లో ప్రతికూల శక్తి పెరిగి, మనశ్శాంతి లోపించవచ్చు. ఇంటి ప్రధాన ముఖద్వారం ఎదురుగా ఫోటోలు ఉంచకూడదు. ​జీవించి ఉన్నవారి ఫోటోల పక్కన: బతికి ఉన్న వ్యక్తుల ఫోటోలతో కలిపి మరణించిన వారి ఫోటోలను ఉంచకూడదు. దీనివల్ల జీవించి ఉన్నవారి ఆయుష్షు తగ్గుతుందని కొందరు నమ్ముతారు. మెట్ల కింద లేదా స్టోర్ రూమ్‌లో ఉంచడం కూడా అశుభంగా పరిగణించబడుతుంది.