Rituals on Friday: శుక్రవారం ఈ పనులు చేస్తే చాలు.. త్వరగా పెళ్లితో పిటు ఐశ్వర్యం మీ సొంతం..

Rituals on Friday: హిందూ ధర్మంలో వారంలోని ప్రతి రోజుకు ఒక ప్రత్యేకత ఉంది. ముఖ్యంగా శుక్రవారం అనగానే మనకు గుర్తొచ్చేది లక్ష్మీ దేవి. సంపద, శ్రేయస్సును ప్రసాదించే ఈ రోజున చేసే పూజలు జీవితంలో అద్భుతమైన మార్పులను తీసుకువస్తాయని జ్యోతిష్య శాస్త్రం చెబుతోంది. కేవలం లక్ష్మీ దేవే కాకుండా, మన వైవాహిక మరియు భౌతిక సుఖాలను శాసించే శుక్ర గ్రహం కూడా ఈ రోజుకే అధిపతి.

శుక్రుడి అనుగ్రహం - వైవాహిక బంధం:

చాలా మందికి వయసు పైబడుతున్నా సరైన సంబంధం కుదరక ఇబ్బంది పడుతుంటారు. జ్యోతిష్య శాస్త్రం ప్రకారం, ఒక వ్యక్తి జాతకంలో శుక్రుడు బలహీనంగా ఉంటే వివాహ ప్రయత్నాల్లో అడ్డంకులు ఎదురవుతాయి.

16 శుక్రవారాల వ్రతం: వివాహం త్వరగా కావాలనుకునే వారు వరుసగా 16 శుక్రవారాల పాటు ఉపవాసం ఉండి శుక్ర గ్రహాన్ని, లక్ష్మీ దేవిని పూజించడం వల్ల జాతకంలోని దోషాలు తొలగిపోతాయి.

సంబంధాల్లో మాధుర్యం:

శుక్రుడి అనుగ్రహం ఉంటే కేవలం పెళ్లి కావడమే కాకుండా భార్యాభర్తల మధ్య అనుబంధం కూడా ఎంతో మధురంగా మారుతుందని నమ్మకం.

భౌతిక సుఖాలు - సంపద:

శుక్రుడిని అందం, కళలు, విలాసవంతమైన జీవితానికి కారకుడిగా భావిస్తారు.

ఆర్థిక విజయం: ఎవరి జాతకంలో అయితే శుక్రుడు బలంగా ఉంటాడో, వారికి ఆర్థిక పరంగా తిరుగుండదు. వారు భౌతిక సుఖాలను, సంపదను అనాయాసంగా పొందుతారు.

లక్ష్మీ ఆరాధన: శుక్రవారం రోజున తెల్లటి వస్త్రాలు ధరించి లక్ష్మీ దేవిని పూజించడం, తెల్లటి రంగులో ఉండే స్వీట్లు లేదా పాయసాన్ని నైవేద్యంగా సమర్పించడం వల్ల అమ్మవారి కృపతో పాటు శుక్రుని ఆశీస్సులు లభిస్తాయి.

శుక్రవారం ఏం చేయాలి?

1. ఉదయాన్నే తలారా స్నానం చేసి ఇంటిని శుభ్రం చేసుకోవాలి.

2. లక్ష్మీ దేవి అష్టోత్తరం లేదా స్తోత్రాలను పఠించాలి.

3. వీలైతే ఉపవాసం ఉండి, పేదలకు లేదా ముత్తైదువులకు పండ్లు, స్వీట్లు దానం చేయాలి.

4. మనస్సును ప్రశాంతంగా ఉంచుకుని సానుకూల ఆలోచనలతో దైవ ప్రార్థన చేయాలి.

విశ్వాసంతో చేసే ఏ పనైనా సత్ఫలితాలను ఇస్తుంది. నిష్టతో శుక్రవార నియమాలను పాటిస్తే వివాహ గడియలు దగ్గర పడటమే కాకుండా, ఇల్లు సిరిసంపదలతో తులతూగుతుంది.