Circumambulations to Perform for Lord Hanuman: హనుమంతుడికి ఎన్ని ప్రదక్షిణలు చేయాలో తెలుసా?

Circumambulations to Perform for Lord Hanuman: చాలా మంది భక్తులు హనుమంతుని ఎన్నిసార్లు ప్రదక్షిణలు చేయాలో తెలియక తికమక పడుతారు. కొంతమంది తమ భక్తి స్థాయిని బట్టి ఒకటి, మూడు లేదా పదకొండు ప్రదక్షిణలు చేస్తారు. అయితే హనుమంతునికి ఐదు ప్రదక్షిణలు చేయడం పూర్తి ప్రయోజనాలను పొందడానికి సరైన మార్గమని పండితులు చెబుతున్నారు. 5 సంఖ్య పంచమం కార్యసిద్ధిని సూచిస్తుంది.

సంఖ్యాశాస్త్రంలో ఐదు సంఖ్యకు ప్రత్యేక ప్రాముఖ్యత ఉంది. “ప్రదక్షిణ నమస్కారం సాష్టాంగం పంచ సంభూయ” అనే ఆర్ష వాక్యాన్ని ఉటంకిస్తూ.. ఐదు ప్రదక్షిణలు చేయడం వల్ల ఆరోగ్యం, వ్యాపారం, శాంతి వంటి కోరికలు నెరవేరుతాయని పండితులు తెలిపారు. ఇది దయ్యాలు, ఆత్మల నుండి రక్షణ పొందడంలో కూడా సహాయపడుతుంది.

పూజ చేసే ముందు, పవిత్ర స్నానం చేసి సాత్విక ఆహారం తినడం అవసరం. ప్రదక్షిణం చేసేటప్పుడు "ఓం హాం హనుమతే నమః" లేదా "ఓం నమో భగవతే హనుమంతే" వంటి మంత్రాలను జపించడం వల్ల భక్తి స్థాయి పెరుగుతుంది. హనుమంతుడి ఆశీర్వాదం పొందడంలో సహాయపడుతుంది.