Solar Eclipse: గర్భిణీ స్త్రీలు గ్రహణం సమయంలో పాటించాల్సిన నియమాలు ఏంటో తెలుసా.?
నియమాలు ఏంటో తెలుసా.?
Solar Eclipse: సెప్టెంబర్ 7న చంద్రగ్రహణం, సెప్టెంబర్ 21న సూర్యగ్రహణం ఆధ్యాత్మికంగా, జ్యోతిష్యపరంగా చాలా ముఖ్యమైనవి. ఈ రెండు గ్రహణాలు దేశంలో కూడా కనిపిస్తాయి కాబట్టి వాటి ప్రభావంపై చర్చ పెరిగింది. ముఖ్యంగా గర్భిణీ స్త్రీలకు ఈ సమయం చాలా సున్నితమైనది. గ్రంథాల ప్రకారం.. గ్రహణం యొక్క ప్రతికూల శక్తి పుట్టబోయే బిడ్డపై ప్రభావం చూపే అవకాశం ఉందని చెబుతారు. అందువల్ల గర్భిణీ స్త్రీలు ఈ సమయంలో కొన్ని ప్రత్యేక నియమాలను పాటించడం మంచిదని సూచిస్తున్నారు.
గ్రహణం సమయంలో గర్భిణీ స్త్రీలు చేయవలసిన పనులు:
కుంకుమపువ్వు : గర్భిణీ స్త్రీలు తమ కడుపుపై కుంకుమపువ్వు పూయడం ఆచారం. ఇలా చేయడం వల్ల పుట్టబోయే బిడ్డను ప్రతికూల ప్రభావాల నుండి రక్షించవచ్చని నమ్ముతారు.
మతపరమైన గ్రంథాలు, శ్లోకాలు : గ్రహణ సమయంలో మతపరమైన గ్రంథాలు చదవడం, శ్లోకాలు జపించడం చాలా శుభప్రదంగా భావిస్తారు. రామ రక్ష స్తోత్రం, హనుమాన్ చాలీసా, విష్ణు
సహస్రనామం, భగవద్గీతలోని శ్లోకాలను పఠించడం లేదా 'ఓం నమః శివాయ', 'ఓం నమో భగవతే వాసుదేవాయ' మంత్రాలను జపించడం మంచిది.
తులసి ఆకులు, గంగా జలం: గర్భిణీ స్త్రీలు తులసి ఆకులు లేదా గంగా జలాన్ని తమతో ఉంచుకోవాలి. ఇది స్వచ్ఛత, క్షణకు చిహ్నంగా పరిగణించబడుతుంది.
ధ్యానం, విశ్రాంతి: గ్రహణ సమయం ధ్యానం చేయడానికి, మానసిక ప్రశాంతత కోసం విశ్రాంతి తీసుకోవడానికి అనువైనది.
స్నానం : గ్రహణం ముగిసిన వెంటనే గర్భిణీ స్త్రీలు స్నానం చేసి, శుభ్రమైన దుస్తులు ధరించాలి. ఆ తర్వాత మాత్రమే ఆహారం తీసుకోవాలి.
గ్రహణం సమయంలో చేయకూడని పనులు:
బయటకు వెళ్లడం : గర్భిణీ స్త్రీలు గ్రహణ సమయంలో ఇంటి నుండి బయటకు వెళ్లకూడదు.
పదునైన వస్తువులు వాడకం: ఈ కాలంలో కత్తి, కత్తెర లేదా సూది వంటి పదునైన వస్తువులను ఉపయోగించడం అశుభంగా భావిస్తారు.
ఒత్తిడి, శారీరక శ్రమ : గ్రహణం సమయంలో ఒత్తిడి మరియు శారీరక శ్రమతో కూడిన పనులకు దూరంగా ఉండాలి. శాంతిగా, ప్రశాంతంగా ఉండటం ముఖ్యం.
ఆయుర్వేదం ప్రకారం:
ఆయుర్వేదం ప్రకారం.. గ్రహణం సమయంలో విడుదలయ్యే కాస్మిక్ కిరణాలు గర్భిణీ స్త్రీలు, పుట్టబోయే బిడ్డపై ఎక్కువ ప్రభావాన్ని చూపుతాయి. అయితే, ఆధునిక సైన్స్ ఈ విషయానికి ఎలాంటి శాస్త్రీయ ఆధారాలు లేవని పేర్కొంది. అయినప్పటికీ ఈ సాంప్రదాయ నియమాలను పాటించడం వల్ల గర్భిణీ స్త్రీలకు మానసిక ప్రశాంతత, ఆత్మవిశ్వాసం లభిస్తాయని నిపుణులు చెబుతున్నారు.
