Ganesh Immersion: గణేశ నిమజ్జనం అనేది ఒక పవిత్రమైన ప్రక్రియ. గణేశుడిని పూజించినంత పవిత్రంగా ఈ నిమజ్జన ప్రక్రియను కూడా పూర్తి చేయాలి. గణేశ నిమజ్జనం చేసేటప్పుడు కొన్ని తప్పులు చేయడం వల్ల పవిత్రత దెబ్బతింటుంది. కాబట్టి, ఆ తప్పులను నివారించడం చాలా ముఖ్యం . ప్లాస్టర్ ఆఫ్ పారిస్ (PoP), కెమికల్ రంగులతో తయారు చేసిన గణేశ విగ్రహాలను ఎంచుకోవడం. ఇవి పర్యావరణానికి చాలా హానికరం. నదులు, చెరువులు, ఇతర నీటి వనరులలో నీటి నాణ్యతను దెబ్బతీస్తాయి. ఈ విగ్రహాలు కరగడానికి చాలా సమయం పడుతుంది. పర్యావరణానికి అనుకూలమైన బంకమన్నుతో తయారు చేసిన, సహజసిద్ధమైన రంగులు వాడిన విగ్రహాలను మాత్రమే ఉపయోగించాలి. ఈ విగ్రహాలు నీటిలో సులభంగా కలిసిపోతాయి. ఇంట్లో ఉండే బకెట్లు, టబ్‌లు లేదా ఇతర పాత్రలలో నిమజ్జనం చేయకూడదు. ఇది గణేశుడికి, అతని ఆశీర్వాదాలకు అగౌరవం చూపించినట్లే. అలాగే, రద్దీగా ఉండే ప్రాంతాలలో నిమజ్జనం చేయడం వల్ల ఇబ్బందులు కలుగుతాయి. నదులు, చెరువులు, సరస్సులు వంటి సహజసిద్ధమైన నీటి వనరులలో నిమజ్జనం చేయాలి. ప్రభుత్వం ఏర్పాటు చేసిన నిమజ్జన ప్రదేశాలలో నిమజ్జనం చేయడం ఉత్తమం. నిమజ్జనానికి ముందు ఆ ప్రదేశం పరిశుభ్రంగా ఉందని నిర్ధారించుకోవాలి. గణేశ విగ్రహాన్ని నిమజ్జనం చేసేటప్పుడు, విగ్రహానికి పూజలు చేయకుండానే నిమజ్జనం చేయడం మంచిది కాదు.నిమజ్జనం చేయడానికి ముందు గణేశుడికి హారతి ఇచ్చి, పూజలు చేసి, మంత్రాలు పఠించాలి. గణేశ నిమజ్జనం చేసేటప్పుడు, పాటలు, నినాదాలు వేస్తూ మితిమీరిన ఉత్సాహంతో ఉండటం మంచిది కాదు. ఇది నిమజ్జనం పవిత్రతను దెబ్బతీస్తుంది. నిమజ్జనం చేసేటప్పుడు పవిత్రమైన వాతావరణాన్ని కొనసాగించాలి. గణేశ నామాలను పఠించడం, భక్తి గీతాలు పాడటం మంచిది.
