2025 Khairatabad Ganesh Idol: 2025 ఖైరతాబాద్ గణేషుడి ప్రత్యేకతలు ఏంటీ

2025 Khairatabad Ganesh Idol: ఈ సంవత్సరం (71వ ఏట) ఖైరతాబాద్ గణేష్ విగ్రహం శ్రీ విశ్వశాంతి మహాశక్తి గణపతిగా భక్తులకు దర్శనమిస్తోంది. ప్రపంచవ్యాప్తంగా శాంతిని పెంపొందించాలనే ఉద్దేశ్యంతో ఈ థీమ్‌ను ఎంచుకున్నారు. ఈ విగ్రహం 69 అడుగుల ఎత్తుతో నిర్మితమైంది. గత సంవత్సరం (70వ ఏట) 70 అడుగుల విగ్రహాన్ని ప్రతిష్టించారు. పర్యావరణ పరిరక్షణను దృష్టిలో ఉంచుకుని ఈ విగ్రహాన్ని ప్లాస్టర్ ఆఫ్ ప్యారిస్ (PoP) లేకుండా పూర్తిగా మట్టి (క్లే)తో తయారు చేశారు. దీనికోసం గుజరాత్ నుండి ప్రత్యేకంగా మట్టిని తెప్పించారు. నిమజ్జనం ప్రక్రియ సులభంగా, పర్యావరణానికి హాని లేకుండా ఉంటుంది.గణపతి విగ్రహం మూడు తలలతో, నిలబడిన భంగిమలో కనిపిస్తుంది.విగ్రహం తలపై పడగవిప్పిన ఐదు సర్పాలు ఉంటాయి. ఇరువైపులా ఇతర దేవతా విగ్రహాలు కూడా ఉన్నాయి. కుడివైపు శ్రీ లలితా త్రిపురసుందరి మరియు శ్రీ గజ్జలమ్మ అమ్మవారి విగ్రహాలు. ఎడమవైపు శ్రీలక్ష్మీ సమేత హయగ్రీవ స్వామి, పూరీ జగన్నాథ స్వామి విగ్రహాలున్నాయి. ఈ విగ్రహాన్ని తయారు చేయడానికి దాదాపు 84 రోజులు పట్టింది. సుమారు 125 మంది కళాకారులు ఈ పనిలో నిమగ్నమయ్యారు. ఈ సంవత్సరం నిమజ్జనం సెప్టెంబర్ 6న జరుగుతుంది. ఈ సంవత్సరం ఖైరతాబాద్ గణేష్ విగ్రహం కేవలం దాని ఎత్తుకే కాకుండా, అది ప్రచారం చేస్తున్న శాంతి సందేశానికి, పర్యావరణ హితమైన నిర్మాణానికి కూడా ప్రత్యేక గుర్తింపు పొందింది.