Born on Amavasya Inauspicious: అమావాస్య నాడు పుడితే అశుభమా? అసలు నిజం ఏంటీ.. ?

Born on Amavasya Inauspicious: సమాజంలో కొన్ని నమ్మకాలు తరతరాలుగా వస్తున్నాయి. అమావాస్య రోజున ఆడపిల్ల పుడితే అదృష్టమని, పౌర్ణమి నాడు మగపిల్లవాడు పుడితే శుభమని చాలామంది నమ్ముతుంటారు. అయితే అదే సమయంలో "అమావాస్య చీకటి రోజు. ఆ రోజు పుట్టిన పిల్లల భవిష్యత్తు ఇబ్బందికరంగా ఉంటుంది" అనే భయం కూడా కొందరిలో ఉంది. మరి ఇందులో నిజమెంత? జ్యోతిష్య నిపుణులు ఏమంటున్నారు?

వేదాలు ఏం చెబుతున్నాయి?

జ్యోతిష్య, ఆధ్యాత్మిక పండితుల అభిప్రాయం ప్రకారం.. అమావాస్య నాడు బిడ్డ జన్మించడం అశుభమని వేదాలలో గానీ, పురాణాలలో గానీ ఎక్కడా ప్రస్తావించబడలేదు. ఇది కాలక్రమేణా మనుషులు సృష్టించుకున్న ఒక అపోహ మాత్రమే.

అమావాస్య జన్మల ప్రత్యేకత:

జ్యోతిష్య శాస్త్రం ప్రకారం, అమావాస్య నాడు జన్మించిన వారిలో కొన్ని అద్భుతమైన లక్షణాలు ఉంటాయి..

లోతైన ఆలోచనాపరులు:

వీరు ఏ విషయాన్నైనా లోతుగా విశ్లేషించే సామర్థ్యం కలిగి ఉంటారు.

ఆధ్యాత్మిక చింతన:

బలమైన ఆధ్యాత్మికత, సున్నితమైన భావోద్వేగాలు వీరి సొంతం.

ఆకర్షణీయమైన వ్యక్తిత్వం:

ఎదుటివారిని ఆకట్టుకునే మనోహరమైన స్వభావాన్ని వీరు కలిగి ఉంటారు.

జీవిత సత్యాలు: జీవితం యొక్క నిగూఢ అర్థాలను అర్థం చేసుకునే శక్తి వీరికి ఎక్కువగా ఉంటుందని పండితులు చెబుతున్నారు.

తేదీ కంటే విలువలకే ప్రాధాన్యత..

ఒక బిడ్డ భవిష్యత్తును నిర్ణయించేది వారు పుట్టిన తిథి లేదా తేదీ కాదు. వారి కర్మ, పెంపకం, వారు పెరిగే సంస్కృతి మరియు తల్లిదండ్రులు ఇచ్చే మార్గదర్శకత్వంపైనే వారి విజయం ఆధారపడి ఉంటుంది.

ఒకవేళ తిథి పరంగా ఏవైనా దోషాలు ఉన్నాయని భావిస్తే, వాటికి సరళమైన పరిష్కారాలు కూడా ఉన్నాయి:

శివాభిషేకం: శివలింగానికి అభిషేకం చేయడం వల్ల మనశ్శాంతి లభిస్తుంది.

దానధర్మాలు:

పేదలకు దానం చేయడం, ఇష్టదైవ ప్రార్థన చేయడం వల్ల నెగటివ్ ఎనర్జీ తొలగిపోతుంది.

అమావాస్య నాడు పిల్లలు పుట్టడం పాపం కాదు, అశుభం అంతకంటే కాదు. పిల్లలకు మంచి విలువలు నేర్పించి, సరైన మార్గంలో నడిపిస్తే.. వారు ఏ రోజు పుట్టినా లోకానికి వెలుగునిచ్చే నక్షత్రాలవుతారని పండితులు నొక్కి చెబుతున్నారు.