Keeping Water in a Copper Vessel in the Pooja Room: దేవుని గదిలో రాగి గిన్నెలో నీరు ఉంచుతున్నారా? ఈ చిన్న చిట్కాతో మీ ఇంట్లో లక్ష్మీదేవి తాండవిస్తుంది!..

Keeping Water in a Copper Vessel in the Pooja Room: హిందూ సంప్రదాయంలో పూజకు ఎంత ప్రాధాన్యత ఉందో, పూజ గదిలో ఉంచే వస్తువులకు కూడా అంతే విశిష్టత ఉంది. ముఖ్యంగా దేవుని గదిలో ఒక చిన్న రాగి గిన్నెలో నీటిని ఉంచడం వల్ల అద్భుతమైన ఫలితాలు ఉంటాయని ఆధ్యాత్మిక పండితులు చెబుతున్నారు. అసలు ఆ నీటిని ఎక్కడ ఉంచాలి? ఎలా ఉపయోగించాలి? అన్న ఆసక్తికర విషయాలు తెలుసుకుందాం..

ఈశాన్య దిశలోనే ఎందుకు?

దేవుని గదిలోని ఈశాన్య భాగంలో ఒక చిన్న రాగి గిన్నెను ఉంచాలి. అందులో శుభ్రమైన నీటిని నింపి, దానిపై ఎట్టి పరిస్థితుల్లోనూ మూత పెట్టకూడదు. ఇలా ఉంచడం వల్ల విశ్వంలోని సానుకూల శక్తి ఆ నీటిలోకి ప్రవేశిస్తుంది.

నీటిని ఎలా ఉపయోగించాలి?

మూడు రోజుల నియమం: గిన్నెలోని నీటిని ప్రతి మూడు రోజులకు ఒకసారి మారుస్తూ ఉండాలి.

తీర్థంగా స్వీకరించడం: మార్చిన నీటిని తీర్థంలా సేవించవచ్చు లేదా స్నానం చేసే నీటిలో కలుపుకోవచ్చు.

ప్రోక్షణ: ఈ నీటిని ఇంటి అంతటా చల్లడం వల్ల ఇంట్లోని ప్రతికూల శక్తులు నశించి, అదృష్టం, విజయం వరిస్తాయి.

మహాలక్ష్మి అనుగ్రహం కోసం..

అదనపు శుభ ఫలితాలు పొందాలనుకునే వారు ఆ నీటిలో కొద్దిగా బెల్లం లేదా తులసి ఆకులను వేయవచ్చు. ఇది మహాలక్ష్మిని ఆకర్షించడమే కాకుండా ఇంట్లో సుఖశాంతులను పెంపొందిస్తుంది. మనం ఇంటికి వచ్చిన అతిథులకు ఎలాగైతే ముందుగా నీరు ఇస్తామో, భగవంతుడికి కూడా నీరు సమర్పించడం వల్ల ఆయన తృప్తి చెందుతారని శాస్త్రం చెబుతోంది.

ఓం కారంతో శుద్ధి

పూజ గదిలో ఉంచిన నీటిపై మీ ఉంగరపు వేలుతో ఓం అని రాయడం వల్ల ఆ నీరు మరింత శక్తివంతంగా మారుతుంది. ఇది వరుణ దేవుని ఆశీస్సులను పొందడానికి సమానం. "అపవిత్రో పవిత్రో వా..." అనే మంత్రంతో సమానమైన ఫలితాన్ని ఈ చిన్న ప్రక్రియ అందిస్తుంది.

శాస్త్రీయ కోణం

శరీరంలో నీటి శాతం సమతుల్యంగా ఉన్నప్పుడు మనిషిలో ఓర్పు, సహనం, స్వచ్ఛత పెరుగుతాయి. రాగి పాత్రలోని నీటిని సేవించడం వల్ల ఆరోగ్యపరంగా కూడా రోగనిరోధక శక్తి పెరుగుతుందని ఆయుర్వేదం చెబుతోంది.