Lunar Eclipse Impact: చంద్రగ్రహణ ప్రభావం..తెలుగు రాష్ట్రాల్లో ఉందా.?

Lunar Eclipse Impact: రేపు సంపూర్ణ చంద్రగ్రహణం.భూమి, సూర్యుడు , చంద్రుడు ఒకే సరళరేఖపైకి వచ్చినప్పుడు, భూమి యొక్క నీడ చంద్రుడిని పూర్తిగా కమ్మేయడాన్నే సంపూర్ణ చంద్రగ్రహణం అంటారు. ఖగోళ శాస్త్రవేత్తలకు , సామాన్యులకు చంద్రగ్రహణంలో ఒక అరుదైన అవకాశం. భారతదేశంలో చంద్రోదయం ఆలస్యంగా అవుతుంది కాబట్టి, మనం గ్రహణం యొక్క చివరి దశలను మాత్రమే చూడగలం. సంపూర్ణ గ్రహణ సమయంలో చంద్రుడు వెండి రంగులో కాకుండా ముదురు ఎరుపు లేదా రాగి రంగులో కనిపిస్తాడు. భూమి వాతావరణం గుండా ప్రయాణించే సూర్యరశ్మి వక్రీభవనం చెంది చంద్రునిపై పడటం వల్ల ఈ రంగు వస్తుంది.

రేపు చంద్రగ్రహణం మధ్యాహ్నం 3.20 గంటలకు ప్రారంభమై సాయంత్రం 6.48 గంటలకు వీడుతుంది. సాయంత్రం గం.4.34 నుంచి 5.33 మధ్య సంపూర్ణ గ్రహణకాలం ఉంటుంది. ఈశాన్య రాష్ట్రాలైన అరుణాచల్ ప్రదేశ్, అస్సాం,అండమాన్ దీవులలో చంద్రోదయం త్వరగా అవుతుంది కాబట్టి, అక్కడ గ్రహణం ఎక్కువ సేపు (దాదాపు 40-50 నిమిషాలు) కనిపిస్తుంది. తెలుగు రాష్ట్రాల్లో (ఏపీ, తెలంగాణ) కేవలం 20-25 నిమిషాలు మాత్రమే కనిపిస్తుంది.

జాగ్రత్తలు: సూర్యగ్రహణంలాగా దీనికి ప్రత్యేక ఫిల్టర్లు లేదా గ్లాసెస్ అవసరం లేదు. మీ కళ్లతో నేరుగా చూడవచ్చు. వీలైతే బైనాక్యులర్స్ ఉపయోగిస్తే చంద్రుని ఉపరితలంపై రంగు మార్పు స్పష్టంగా కనిపిస్తుంది.